Schulbesetzungen - oder wie man vom Thema abkommen kann

[hons]

I doleb in bologna do grot mein erschta universitätsbesetzung mit... und weil mi des thema interessiert honnimi di leschtn toge pa meina studienkollegn amol awin umkeart, wella erfohrungen sie do schun hom. und iboroschndaweise isch des in italien (vor ollem in mittlitalien) prutal vobreitet. mir hom sie dozehlt, dass sie mindigschtns uamol im johr in do oboschuile ihra schuile besetzt hom... meischtns zwor la aus gonz banale beweggründe (eigntlich a la um ferien zi hom, wie sie selbo zuigebm) obo i find schun schode, dassz sowos pa ins ibohaup net gib. vor ollem hon i do sofort ans humanistische gymnasium gedenkt. sem brauchats amo so a besetzung um de zach autoritärn zuistände amol awin zi bekämpfn...

[e]

[Gast]

@e konns san dass du definitiv dogegn bisch,dass studentn odo ondre menschn sich epans net gfolln lodn? i erinno amol dron,wie du deine meinung ban thema schicksol so ausdrücklich oblosssch...sprich baumbesetza usw...

@hons i bin amol gonz deino meinung..i moan wegn so banale sochn wie monchmol irgndwo gstreikt werd odo irgndwos untonumm werd..

obo weil i ausn humanistischn gymnasium bin - kunstlyzeum - woaß i gooonz ginau fa wos du do redsch..i moan, es kimp viell.doher dass i a epans persönlich gegn di direktarin hon (=nochbarin..) i loss mir a sogn,dass sie wirklich net an ollem schulde hot obo sie isch wirklich sozisogn die treibnde herrschkroft in der schuile,also i persönlich tat des innerschulische hierarchie/diktatur nennen..des isch wirklich brutal.
also wenn i amol di gonzn regln auzähln missat,de ba ondre schuiln viell.geltn obo net ingholtn werdn odo ibbohaup nirgns zi fen sein, noa hett i alloan durch sel schu no 3 seitn zi schreibn...man muss schu sehr geduldig sein, um mit der schuile klor zi kem.

mir hom sogor schun amol vorghob,so epans zi tien, is thema isch net sofl wichtig, obo sel isch wirklich problematisch in moncha schuiln. denn ba ins hettn sich lei wianige gfundn,die ondon hom ongst vor do direktarin und mögliche folgn ghob und ohnehin homse sich ziviel an de regln und striktn unmenschlichn onweisungen insra schuile giwehnt um epans untonemm zi welln. obo sem konn insra schuile nix dofier sondon di schiala selbo.

obo in realgymnasium zin beispiel kannt i mir vorstelln, dass di schiala sich "erhebn" tatn,denn ba ihnan san wirklich di schiala dozui do. obwohl sie mittloweile aussterbn, und die winzlinge die schuile erobon..obo man denke an die legendäre 5B von maturajohr 2003/2004 (entschuldigt folsches datum, obo es isch holt amol vorn frühstück.) sem worn leit drin,de sich wirklcih net viel sogn gilod hom..

des mit untn in italien : mein dad hot jo a do unte studiert...firenze...und sem hots schu gonz oft (man bedenke vor ca.40 johre) sellche streiks gebn und demos bezüglich die zuistände in die unis. ob sie erfolgreich worn und wie drau reagiert wordn isch sel missat i no nochfrogn,obo dass sie STOTTgfundn hom find i im moment wichtig.

i find la amol dassze in do gewerbe epans tien sollatn damit di schiala ba do pause hingien kenn wo se welln (i persönlch hon schu oft doleb,dass a kolleg net kem gikennt hot,weil ihn asea lehra dofun obgholtn hot die gfährliche grenze zwischn gwerbe und hob zi iboschreitn ) odo dass schiala fa ondra schiala inne gien kenn...der typ fa do gob hot mi a schu oft ausaghaut rennt der olba aso schnaufnd so blitzschnell olla stiegn augn um jemandn fan kaffeautomat weg aus do schuile zi haudn??

[newworlddisorder]

[e]

[hons]

[hons]

[hagbard]

i find obbo ah dass wennman schun is horterkämpfte streikrecht insetzt dassz für an guitn grund ingsetzt weard. lei für freia tog, schwochsinn, olla fa do schuile werfn, ok isch abissl hort ausgidrckt obbo bo...wenne schun streiksch noa für wos guits...de de lei für an schwochsinn streikn und lei schuilfrei well de ziechn olla ondon wosn probiern durchs streikn eppas zi erreichn oddo wos zi vohindon durch kakao und mochn de des ernst moan unglaubwürdig. logisch soll man af die baraikadn steign wenn oan eppas et passt obbo natürlich ungimessn, ob itz legal oddo illegal isch scheißegal hauptsoche es isch für a guita soche, sischt sollschis lossn.

do e druckt vielleicht awin brutal aus obbo in groaßn und gonzn hotta irgenwie schun recht, wobei i natürlich net in olla aussogn zuistimm, hauptsächlich dass man an guitn grund hom muss um van streikrecht gebrauch zi mochn...

wos i no zi die bildo van e hinzufügen mechat: des hot woll gor nix mit der schuilbesetzung zi tion. wenni des bild e vowechsl isch van do G8 Demo in Genua und die Carabinieri hom den typ doschoss, also die se Demo isch sicho girechtfertigt und dass do oano fa do militärpolizei doschossn weard, also bitte, sem heard olls au...schweinerei...und de fotos passn do obsolut et...denk i, weils a öffentlich ungimeldita demo wor...

also...

greets from city17

Hagbard

[dannile]

Xandi xandi... iz waße net
Wennas führenda revolutionära Kräfte braucht de so a Aktion untostützn... du wasch wo mei Klasse isch. sebm bini mir sicho (wennas des seggo durchziachn wellt) dass sich mindigschtns 10 Leit meara fenn (mi inbegriffn)...

pa ins in do schuile (i geh ah Kunstlyzeum) sein Zuistände, wosn nimma gonz normal sein. de auzizehl daurat mani anfoch zi longe. obo wennman af ondra schuil schaug und noa insra, noa ischs lamma no zi plerrn... so a Diktatur wie insra werte Frau Dejaco zommbring find man sischt nirgends. Teilweise (ok, zin Groaßteil) getraudn sich jo net amol de Lehra no eppas zi sogn/untonemm.
I bin iz in do Maturaklasse und hon de Zuistände 5 Johr mietgemocht.

I bin eindeutig fü a Erhebung.... naja sogmo aso: insra Klasse setzt sich eh relativ in wenns um des get.
Weil gfoll lossn mir ins eigntlich nicht. La gibs ZIVIEL Orschkriacha...
I konn la sogn: Sei pan Schülerrot dobei Xandi. de Orschkriacho wosn sebm sein und mit olls invostonn sein stott wos zi untonemm .... sicho gibs ausnohmen. obo jo.... wie du schun gsog hosch: Ziviel Leit hom Ongscht fa do Direktarin und di meischtn fenn sich domit anfoch o. Obwohls net so schwar war in do schuile an sich wos zi voendon wennman awin zommholtat. Weil sel war net soffl a groaßa Hürde... jednfolls: wenn a Revolution geplant isch: Meld di!!!
_________________
"Erinnern Sie sich an die Plakate auf denen stand: 'Heute ist der erste Tag vom Rest ihres Lebens'? Nun, das trifft auf jeden Tag zu, außer auf einen: Auf den Tag, an dem man stirbt!"

[stefan]