Italienisch in der 1. Volksschule

[eero]

@foxhound les amo meina kommentare noamo genaua durch noa wersche vielleicht draukem, dass i gsog hon i woasis a net obs wos bring.

obbo i sich man sollat in do schuile in die leit amo bessa lesn beibreng...

[elrohir]

Obs iz pädagogisch richtig isch, wuas i ned. jednfolls find i, ischs di folsche Lösung. I hon 12 Johr italienischunterricht kop und muss sogn, dass ondra wosn vielleicht 1 johr italienischunterricht kop hom, bessa sein aswio i. Is Problem san die Untorichtsmethoden und do ständige Lehrerwechsel. In de 12 Johr hon i 11 voschiedna Lehra kop. Do uane letza aswio do ondre. Mit wenigen Ausnohmen. Sem isch gonz klor, dass man et af epans aubaudn konn und do weitamochn konn, wo man is Johr dovor aukiart hot.
Ob man iz a Johr dozui tuit oddo et, es werd kuan Untoschied mochn, ausso dass di Kindo no fria an Fruscht ba do Sproche krign (wie di meischtn Schiola).

[foxhound]

@eero i konn lesn, und etamo letz

und walisch konne a recht guit. das i dogegn binn isch et weile denk dass des et ins gewicht follt, i bin dogegn weil dess an inschränkung isch, villeicht die erste fa viele.
_________________
Steh auf! Zum schlafen bleibt uns noch die Ewigkeit!
Omar Khajjam

[eero]

@foxhound: Wos bitte wert do inngschränkt???? ischs net eha a erweiterung fa die sprochkenntnisse???
_________________
Es ist die Frage, die uns quält....

[hons]

na logisch isch des chance für ins südtirola... i sieg do kuan inschränkung.

Wuasch wie viel Leit ins dorum beneidn, dass mir zwuasprochig auwochsn kenn... Leido checkn gonz viel fa ins et, dassze sich do an Vorteil votien, wennse net Italienisch redn und olm la mauln: Scheiß Walisch!

[foxhound]

I find des mocht is italienisch nimma zi a zwoutsproche sondon zi a gleichwertiga sproche zin deitschn wenn des schun in do erstn untorrichtit weart. zierst amo deitsch richtig learn nou italienisch.

i binn mo schun bewusst dass zwousprochigkeit a vorteil isch, obbo a gewissa gfohr besteat a weil man gfohr laft dobei die Muttosproche letza learnt
_________________
Steh auf! Zum schlafen bleibt uns noch die Ewigkeit!
Omar Khajjam

[elrohir]

@foxhound: i glab sel werd et passiern, weil di meischtn sowieso dohuame und a in do schuile deitsch redn.

[Gast]

Do heart man efters zerschtl sollat man seine muttosproche lern und donn amol mit italienisch unfongen! wenn man sell inholtn tat terfatn heinte die meischtn südtirola no net italienisch lern weilse deitsch net beherschn! dialekt isch net deitsch und wenn man in monche leit zuihorcht wennse probiern an onständigen sotz in deitsch zi bilden, konn man sehr oft lei lochen!
Fa italienisch gor net zi redn! des isch lächerlich und peinlich! fa viele hert man es isch die schulde fa die untorichtsmethoden und sie kenn bessa englisch weil sell bessa untorichtet werd! ach scheissdreck! a sproche lernt man net in do schual, sondon muss man sich selbo uneignen! in do schual kriag man die grundlogen und af die sell soll man donn aubaudn....durch kontakte in do öffentlichkeit, literatur in der sproche und medien!
Obbo viele südtirola, woas moan die welt drand sich um des kloane fleckchen erde, weigort sich woll onständig italienisch zi lernen weils eben ITALIENISCH isch! jede ondere sproche war herzlich willkommen! obbo italien isch jo böse, deswegn terf man af koan foll die sproche erlernen! leidogottes werd des iatz a af die nochkommen ibotrogn...so heart des nia au!
I bin fiar italienisch in do 1. und sell net als 2. sproche, sondon als gleichberechtigte! Wer am ende net a kloans thema in beade sprochn vofossn konn hot koan schualobschluss vodiant! Giltit fiar beade sprochgruppen...

[foxhound]

Denksche die Italiena, warn domit innvostonn in ihra schuiln deitsch als gleichwertiga sproche zi hobm? Oddo mount des mitn dialekt isch in sizilien bessa, de kenn a net gscheide walisch.
_________________
Steh auf! Zum schlafen bleibt uns noch die Ewigkeit!
Omar Khajjam

[hons]

und la weils ondra et kenn, sollns mir wie di teppm nochmochn? des isch is billigschte argument, desz gib.