DIE UNI BRENNT! 'Revolution der Studenten'

[siroliver]

Des von wegn Grenzdenkn. I bin holt do Meinung, dass man als Bildungsministo vom eigenen Lond vosuichn sollat, die Unis im eigenen Lond zu vobesson. Die ondon Unis warn mir insofern egal, als dass i sogat i will meine Unis qualitativ vobesson, vielleicht in dem i mehr geld einipump, vielleicht in dem i a Aufnohmebeschränkung moch oddo vielleicht a durch beadis gekopplt.

I bin holt do Meinung dass Qualität vor Quantität geaht und wenn i Rektor war hett i liaba 400 Studentn de a guite Ausbildung kriggn als wia 800 de i mit meine Mittl net optimal ausbildn konn.

Logisch bleibatn semm a poor leit af do Strecke, is oanzige wos i semm als Staat tat, war gleiche Bedingungen zu schoffn, sodass a Studium net am finanzielln scheitot. Af do Uni sollats um Leistung giahn, i sieg Forschung als Leistungssport. So wie do oane seine Freide an Siege mit seino Fuißbollmonnschoft hot, so isch do Forscha froah wenn er und seine Uni a Entdeckung mocht. Und do Student hot eppans zu leistn, immohin finanziert ihm do Stoot is Studium, also konn do Stoot meines Erochtns a hergiahn und sogn mir mochn a Aufnohmeprüfung.
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[lukfis1]

[siroliver]

Is Problem isch, dass de "Bildung" hoaßat, dass die Uni mehr Personal einstelln missn. Und soffl qualifizierte Leit sein net umma. I siegs woll do in Graz. Af do TU untorrichtn teilweise Leit, de bei weitem net qualifiziert sein. Und sell et weil Professorn soffl teure warn, sondon weils in die gewissn Fächo schlicht und oanfoch net genui qualifizierte Leit gib.

Iatz af Teufl komm raus die Universitätn mit Leit vollzupumpn damitmo mehr Akademiker hobn hot jo a koan Sinn.

I stimm jo zui dass olle is Recht hobn sollatn zu studiern, obo für sell brauchts 1. die Infrastrukturn und 2. die professorn. Und de 2 Sochn konnsche net va heint af morgn van Huit zaubon, a net mit a poor Milliardn.

Wenn oando sog LONGFRISTIG sollats af freien Unizugong für olle(der Ausdruck alloan isch jo schun pervers - es hot jo jedo is recht zu stuckn, obbo wenn itz olla af do welt stuckatn, wer baut nochand die Häuser?), semm stimm i ihm schun zui, obo um des af an holbwegsn Niveau zu erreichn, wars meines Erochtens iatz amol sinnvoll Qualität innizubringen, und sell geaht am bestn mit a Aufnohmeprüfung.

Weil die Unis ihroseits sollatn sich is Geld a erstamol vodiahnen, i moan schaug enk de Bürokratie un. Für irgnd an scheiß mogsche in drei voschiedene Büros von do Uni lafn de quer übo die Stodt votoalt sein, um irgnd a MultipleChoice Prüfung auszuwertn brauchnse a poor Wochn etc. etc.
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[lukfis1]

update

[lukfis1]

@florri1
es hot jo nicht damit zu tian (wia dus schreibsch) dass mensch lei af a uni geat, um sein inneres gleichgewicht zu suechen! i wear in meiner studienrichtung publizistik net zum journalisten, kameramonn, oder werbetexter ausgebildet - sondern i kreg an ollgemeinen überblick und konn mi sehr wohl spezialisieren, ob i glab kaum das i mi mit 1 Vorlesung und 2 Filme, dei i gedrahnt hon, ba a firma bewerbm, dei ebm filme mochn... und nocher fir mi behaupten, das i fir sel ausgebildet wortn bin.

(wobei sich des, wos i friar gschriebm hon jo net unbeding meine meinung isch, des isch oaner fa di slogans der besetzerInnen)

UPDATE: Proteste weiten sich aus!
Studenten weiten Proteste auf 20 Städte aus

[siroliver]

Des mit Ausbildung und Bildung find i schun a a bissl komisch.

Weil meines Erochtens isch Bildung net eppans des du in a Institution lernsch. Hausvostond konn man a net lernen.

I tat net so weit giahn zu sogn dass Bildung wie Hausvostond isch, obo do gibs schun a poor paralleln.

Bildung isch meines Erochtns nix des man erlernt, sondon wia is Wort schun selbo sog, isches ein Prozess. Die "Bildung" von Blütenstaub z.B. isch jo a a Prozess, mitn untoschied dass die menschliche "Bildung" eigentlich nia ogschlossn sein sollat. Also isch des Volongen noch Bildung woll sowieso lächolich. Zu bildn hot man sich selbo, die Uni isch für mi eha eine Stätte des Wissens, an der man sich gezielt in an Fochgebiet einorbeitet.

Wenn die Protestierenden sogn sie sein für mehr Autonomie vom Studentn, bezüglich Studienpläne etc. bin i a voll dofür, die Proteste sein jo net letz, es werrt lei lächolich wennse do iatz gegn OLLES protestiern.

Vomutlich sein do a poor Studentn hergongen und homm gewellt a poor Socn ändon. Bolse gsegn homm dassnse aso et genui leit zommbrengen hommse holt olle meglichn ondon Forderungen no dozuigetun, damits jedn a bissl onspricht und is Gesomtkonzept bleib af do Strecke.
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[newworlddisorder]

http://de.wikipedia.org/wiki/Bildung

[siroliver]

Is Problem isch holt dass die Universitätn vielleicht friah dem Ideal entsprochn hobn, obbo heintzutoge holt nimma. Die Gründe für sell liegn eigentlich jo a af do Hond:

Im Gegnsotz zu friah isch die Uni wirklich vokommen - friah wor die Uni a Templ des Wissns, obo heint mit de üboloffenen Unis und die domit vobundenen Engpässe sein jo is Problem.

man sollat obo bedenkn wos passierat wenn man itz wirklich a poor Milliardn innipumpet in die Unis unds aso ermöglicht dass "jedo" studiern konn.

Nochand hot do Bodnlega an Doktatitl und do Hydraulika an Diplomingenieur und die Vokäufarin hinton Wurstpudl isch a irgndwos.

Die Folge war dass mit do Uni is gleiche passierat wie mit do Mittlschuile und do oboschuile, nämlich dass a Uniausbildung nixma wert isch. Sicho isch do a do Kapitalismus schuld, weil do Markt reglt die Preise. Is witzige isch, dass genau de leit, de wosn sich übo die banker de mit akrobatische Geldspielereien Geld "erzeugt" hobn ärgon und sich lauthols dribo auregn dass de net weitbickenda worn und in Markt a bissl reguliert hobn, selbo ba der Gschichte do net a bissl in die Zukunft schaugn.

Grundsätzlich wars jo nix letzes wenn a jede Vokäuferin an Unititl hett - im Gegnteil - es war jo wünschnswert, obo es hett a negative Konsequenzn.

I sog gonz ehrlich dass i des iatz olls lei zommfantasiert hon - i bin jo koan Experte, obo i kannt mir vorstelln dass sowos passiern könnte und wellat des holt et riskiern, vielleicht bin i zu konservativ, obo i find es gib bessare Wege um die Unis zu vobesson als wia de Proteste...
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[lukfis1]

[lukfis1]

Morgen, Dienstag 17.11. ist Internationalen Studententag!