DIE UNI BRENNT! 'Revolution der Studenten'

[newworlddisorder]

@duddi:

wenn a stoot in dem foll österreich

100 Milliardn € fi Bankn
5 Milliardn € fi dei ÖBB
Eurofighter kaft
usw usf

obo is bildungssystem vorottn losst sem stellt sich mir schun die froge fa do vohältnismäßigkeit. banknrettung schion und guit obo mit 1 Milliarde in die Unis investiert hett fi die Bankn net viel ausgimocht obo in die Unis wirklich extrem weitagholfn.
_________________

[duddi]

klemi, i honn nie gsog dass man in die unis et mehra geld gebn sott odo in die bankn wieniga. des isch awin a komplexis thema, wos man awin weita segn muss wie la in absolutn wert "100 mrd. euro". i hon la generell ibo studiengebührn gired...

et folsch vostien
_________________
Ein Kansas City Shuffle ist, wenn alle Welt nach rechts kuckt, während du links rum gehst

[siroliver]

I muss gonz ehrlich sogn dass i den Protest lächolich find:

Dass die Unis mehr Geld brauchatn wissmo jo, obo nochand konnsche net so viele Forderungen bringen.

Wie konnman sich oanoseits übo volle Hörsäle auregn und af do ondon Seite af olle Studiengänge freien zugong volongen??

I tat üboroll a Aufnohmebeschränkung eini, nochand hommse olle ihre Plätze und a "holbwegs" persönliche Betreuung. Is Argument dass semm wianiga Leit durchkemmen loss i net geltn, ba ins in hot sich nämlich gezoag dass seits a Aufnohmebeschränkung gib die Absolventnzohl um 20% ungstiegn isch.

Außodem sporaschedo an Haufn geld für neue Professorn.

Und die Studiengebührn sollat man eha als symbolischn Beitrog segn. A Studienplotz kostet je noch Studium so um die 5000-8000 Euro im durchschnitt. I denk mir holt wenn i vom Staat a hochwertige Ausbildung kriag, sollat i mi zumindest symbolisch doron beteilign.

Meines Erochtens war die richtige Entwicklung in richtung:

Mehr individuelle Betreuung => mehr Absolventn(weil durch die individuelle Betreuung mehr leit durchkemmen)
=> mehr Qualität(i lern sicholich mehr wenn i in so 10a bis 15a Gruppn Seminare hon als wia wenn i mit 50 in oan Raum sitz)
=> weniger Kostn wianiga Studentn kostn wianiga


Und wennman an fochbezogenen Aufnohmetest mocht ischs jo eh gerecht, weil jedo sich dohoam selbo vorbereitn konn.

Obo wenne in Österreich sowos sogsch nochand bische glei a "vowehnto Frotz" und vosteahsch nix, des sog man jo lei weils oan selbo guit geaht etc etc.
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[lukfis1]

schön und gut, obr wia schaug deiner Meinung noch die Aufnohmebeschränkung aus?

mittels numerus clausus?
mittels Aufnohmetescht?

und wia schaug nocher a von dir geforderter fochbezogenen Aufnohmetest zB in Medizin aus?
_________________
Holz in den Wald zu tragen ist töricht.
Lateinisches Sprichwort
-
-

[siroliver]

I bin für Aufnohmeprüfung, gonz klor. Weil wennedo die Matura vohausch weile kronk worsch oddo so ischs jo lama unfair, semm heschedo olle Chancn vopfuscht, a Aufnohmeprüfung konnsche ollodings 2 mol mochn.

I stellat für die Aufnohmeprüfung an fürs Studium relevantn fächerpool zomm, sodass do Stoff der ba do Aufnohmeprüfung obgfrog werrt sozusogn a Grundloge fürs Studium schofft.

Also zum Beispiel bei Medizin viel Biologie mit Genetik, evt. so ollgemeine Sochn von die Organe, Physik, Chemie. Praktisch in Oboschuilstoff , vielleicht a bissl detaillierta.

Ba Wirtschoft konn man jo Mathe einitian, BWL etc.

Ba ins in Graz wor die Aufnohmeprüfung für medizin aso:
40% Biologie, und donoch in ca gleiche Onteile Mathematische grundlogn, Chemie, Physik und am Ende no a Textverständnistoal wo a medizinischo Fochartikl wor und man am ende no a poor MultipleChoice Frogn zum Text beontwortn gemisst hot.

Mir isch schun klor dass dodurch die matura eigentlich hinfällig werrt, es war meino Meinung noch ba do heintign Entwicklung von inson Bildungssystem sicho a sinnvollo Weg.

Und es braucht jo a et in olle Studien an Aufnohmetest, olbn je nochdem wie do Ondrong isch, weil nix isch letza wie a Studiengong der af so und so viele Leit konzipiert isch und donoch a Stuck mehr leit sein, semm hot wedo die Uni, no die Orbeitswelt und schun gor net do Student wos dovun.
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[chris90]

@siroliver

also wenn i des richtig vostondn hon noa holtasch du die aufnohmetests ausm sebm grund für ongebrocht weil durch se wioniga studentn sein und dodurch wioniga kostn? weil wenn se do sinn sein soll, noa isch do a denkfehla drin...

glabsch wenn jemand, der vor hot stuckn zi gin, noa obo di aufnohmeprüfung net schofft weil ers vlt holt net so ernst nimp odo weil wirklich viel zu wionig plätze do sein, glabsch noa geata stottdessn holt orbatn? na, stottdessn geat ea des af a ondra uni stuckn wo koana aufnohmeprüfung für des studium isch, odo ea stuckt oanfoch wos ondors, odo ea wortit a johr und mocht in test noa neamo. mocht jo total koan sinn, wedo di studierendenzohln werdn gsenkt, und de leit de des studium wirklich mochn welln tretn noa holt is nächste mo neamo on und is oanzige wos possiert isch isch se, dass ihnan holt zeit "gstohln" wordn isch.

also meino meinung noch kinn beschränkungen ba studiengänge absolut net do richtige weg sein. und bzgl. studiengebührn isch eh van overflow olls gsog, hon so ziemlich is gleiche va a poor ondra leit in audimax kheart.

[siroliver]

@ chris90:

Bei ollem Respekt, obbo wenn du sogsch die Studierendenzohl wur net gsenkt, nochand sollaschedo vielleicht noamol deine Mathehefte va do Grundschuile unschaugn:

Wenn i ba an Studiengong sogmo amol 800 Leit hon, und i is negste Joh lamano 400 inniloss, sein woll wianiga, oddo? Und es geaht woll um die Kapazität af do jeweilign Uni fürn jeweilign Studiengong.

Wenn i in an Lond Bildungsministo bin, werr i woll schaugn meine Unis zu vobesson, wos die ondon Ländo tian, war mir holt scheißegal.

CHris, i frog di itz gonz persönlich wos du dir aussuichasch:
Ohne Aufnohmetest is Studium X zu mochn wo lei 400 Plätze sein, obbo 600 Leit. Du woasch genau dass lei 400 Leit is erste Johr oschliaßn kennen, weil die oan zu gewisse Seminare et zuidn kemmen. Außodem bische la a Zohl und niamand scheißt sich um di - im Gegnteil - deine Mitstudentn vosuichn sogor die innizufregiern(passiert in Frankreich und a ba ins in a poor studien leido wirklich).

Oddo mochasch liaba an Aufnohmetest und konnsch di in Ruhe deinem Studium widmen?
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[schneida]

i glab man muss sich zuigestian, dass qualität und quantität sich in gewissn moße gegnübostian. es isch net meglich, beadis zi maximiern – irgndwo muss a trade-off passiern.

die aktuellen proteste als lächolich ouzitin, isch meino meinung noch schun amol wegn do breiten beteiligung net recht schlau. es geht do net la vorollem um die studentn, sondon um die unis, do lehre im ollgemeinen – welchn stellnwert sie in do gesellschoft hobm. es hom sich schun viele professorn zin thema giäußert und ihra teilweise misslicha loge gschildot.

es werd oft aso dorgstellt, dass de proteste nichts erreichn werdn bzw. no nichts erreicht hom - obo wennman sich die diskussion unschaug, de bundesweit dodurch erscht entstondn isch (odo wido ungheizt wordn isch), glabi hots dechto schun einiges gibroucht..

zrug zi qualität und quantität: i konn la fa do TU wien redn, wo bezüglich den thema in lesto zeit oft do vogleich zi do ETH zürich gfoll isch, de, im vogleich zi do TU, ca. is 8-foche budget (odo sogor no mehr) pro student hobm. af a sella elite-niveau ziehlt die bewegung obo gor net ou, im gegntoal – do zugong zi do uni soll so weit wie meglich fi jedomonn offn sein. mit mehr geld kannt is niveau gheb werdn, um de massn an studentn bessa bilden zi kenn. inwieweit man grenzn schoffn will (odo sich gesomt-europäisch ouspricht, isch nocha an ondra froge), ollgimein soll die bildung obo so weit wie meglich ohne zugongsbeschränkungen genießbor sein.

und zi do debatte um die studiengebührn.. do gehts um weitaus mehr – die studiengebührn mochn net so viel aus, wie oftamo gitun werd. af do TU gibs z.B. zur zeit a jährlichis budget fa 180.000.000€ (180 Mio.). soweit i informiert bin, gibs ca. 20.000 studentn. wenn studiengebührn wido ingfiahrt wuratn, hettman 20.000 * ~800€ = 16.000.000€ (16 Mio.) mehr, wos zwor sicho net zi untoschätzn isch - obo amol klorleg, welchn onteil des ibohaup ausmochat..

und de 34Mio.€, wosn fan hahn zuigsichot wordn sein, sein in der hinsicht lächolich (isch jo fi olla unis gemeinsom, soweit i des voston hon - nocha konnman sich leicht ausrechn, wieviel des pro uni ausmocht). nocha a no aso zi kem, dass sich kaum an östorreicha vorstell konn, dassn 34 Mio. wiank geld sein, obwohla die budgets fa die oanzelnen unis sicho ginau kennt, isch populismus untosto stufe... und sowos soll a wissnschoftsministo sein..

[lukfis1]

mecht lei daran erinnern wos österreichs finanzminister pröll gsog hot:

[chris90]