Immer mehr Leute auf Unis! Woran liegts?

[steffile]

I hear vo olba mear Lait, dass sie noch do Matura stuckn gion.
Wobei mei Meinung isch, dassz in de Lait et ums "Stuckn" geat, sondon
uanfoch la ums "vo dohuam weck kem", "Faulheit" und "die Elton zohln jo sowieso olls".
Ischs Faulheit odo wirklich Interesse???

[sauregurke]

jo vielfoch gian schon die leit aus eigenem interesse zi stuckn.
noar gibs natürlich a de variante, dassman stuckn get, weilman sischt et woas wos tian odo sischt a gor nichts tian will. se isch noar natürlich traurig und i schätz amol disebn leit werdns anet oll zi weit breng, auso ihnan gfollts af dauer wirklich.
net dass sich itz jemand ongegriffn fühlt, obo meindo meinung noch san zur zeit medizin und psychologie di neudn trendstudiums. wer net woas wos studiern tut oanfoch sel... (ums extra noamol zi erwähnen: es isch net bei ollen aso)

[schneida]

Find sell net soffl letz odo traurig.. a jahrl konnmans olbm amol probiern, a wenn man lei fa dohoam amo weck will - und/odo amo net woaß wosman tin will...

es isch jo net aso, dassman in die elton nocha 5-6 johr af do tasche lig..

I moan, logisch sollats aso sein - dassman lammano aus intresse stuckt, nocha hotman a a kloris ziel und will wohrscheinlich a holbegs voron kem.. Obo i woaß net.. i find es tut an jedn guit, amol - wie gsog fi a jahrl - af sich alloan gstellt zi sein, selbo zi kochn, waschn.. ..

[pacey]

mog jo olls sein, do gibs sicho et la uan grund dofir. obo uano fa di hauptgründe worum olba meara leit stuckn gion, isch gonz uanfoch der: es konn sich mittloweile (donk stipendien usw.) uanfoch foscht a jedo is stuckn leistn.
obo wenn do leichte trend unholtit u. do sozial- bzw. wohlfohrtsstoot wirklich ollmählich in boch ochn get, wert sich des schun wido umdrahn und olba wioniga leit stuckn, weils (siehe amerikanisches vorbild) für an normalbürga foscht nimma zi dozohl isch....

i finds schun guit dassn so viel leit stuckn gion wi iz, weil a gebildnes volk schodit niomand

[sauregurke]

jo obo es war a bled wenn olla leit odo fost olle zi stuckn gian. sem fahlt oanfoch noar personal fi hondwerklicha berufe wi z.b. a a maura. und koan mensch will mehr als putzpersonal orbatn, weilman sich sem jo vostädlicho weiße iboqualifiziert fühl. und se führt dozu dassman gostorbita unstell muss. se fördot wido di ausländafeindlichkeit, weil soffl an haufe do sein und so weita und so fort. a ewigo teuflskreis...

do san noar holt di vor- und nochtoale ozi wägn.

[finalcollapse]

also i glab a dass sicher der groasteil von de wos studiern gian lai wegn spass gian und weilse koane luscht hobn zu orbeitn, i moan, i wer net slavistik oder geschichte studiern gian wens mir am ende sowiso net viel bring, oder germanistik wenn i koan lehrer werdn will :-/ naja also i woases von viele dass di sel lai studiern gian weil ihre kollegn a studiern, und viele gian noch wien weils a gaile stodt isch, naja find i a, ober es studiern tua i mir glabi net un, bring mir net wirklich viel, mein greaseres ziel ischs mol von do auszuwondern, mir irngtwo in irngt an ondern lond a orbeit zu suachn, sem di sproche perfekt zu lernen usw, bringmer glaibi mehr als studiern udn mocth sicher a SPASSSSSS
_________________
Final Collapse Festival 4 Live Bands | Metal Floor | Drum n Bass Floor - - http://www.finalcollapse.it - - http://www.absolut-lounge.it - - http://www.eventsbz.it

[siroliver]

Mir kimmp a vir, dass heintzutoge viele Leit studiern gian und i glab dass do Titl den man sem erreicht, olbn mehra an Wert voliert, weil wenns viele qualifizierte Leit für oane Orbat gib, nocha konn die Kapazität van Orbatsmorkt(isch a olbn va do Ortschoft obhängig) bold üboschrittn san. Nocha krign la di beschtn di Orbat und do gonze Rescht steht bled do. Ba ins gibs des Problem [no] net, ubbo wer woass wias in 10-20 Johr ausschaug? Wenn i af die gonzn Studentn schaug, frog i mi a oft obs sel übohaup bring.

Friah wor a Titl sicho no mehr wert als heint, heint muss man foscht schun schaugn epas zu studiern wos net viele gib, ubbo es muss oan holt a interessiern...

Man konn a ohne Titl, sogor ohne Matura an Haufn Geld mochn, man muss "la" a Marktlücke fendn...
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[pacey]

@sauregurke des mit di fahlnden orbatskräfte hoschdo wo aus di fingo gsogn... a durchschnittlichis studium dauort 5 johr, donoch weart jedo wohl odo übl orbatn gion missn.
dassn di gonzn leit mit ihra titl sicholich et olla a orbat fen wearn wos ihrn bildungsgrad entspricht isch schun klor. obo orbatn weart a jedo missn weil irgndwio muss dechto a jedo sein geld vodion.
is uanzige wos passiern wert: di kuriosität dassn a afn bau, in a kuchl, fabrik odo wos wuaß i wo, leit mitn magisto bzw. doktortitl orbatn wearn. isch se so letz? i finds wo witzig
amol i honme schun domit ogfun, dasse trotz meines studiums eines tages womöglich la an "normaln durchschnittsjob" uhnnemm muss

[hagbard]

[sauregurke]

logisch pacey ha, noa wersch du woll a ausnohme san. vostesch, i gea studiern zum einen aus eigenem interesse und zum anderen mit do hoffnung af an guitn job, dasse net irgndwende als putze endn muas.
zi oi gesch denn studiern , fühlch di net iboqualifiziert wenne donoch "la" an job als z.b. stroßnkehra krigsch?
i hon nia gsog dass generell di orbatskräfte fahl. sondon dass einzelne berufe, de du als nicht-studierendo odo als nicht-maturant odo sogor als nicht-mittelschulabgeschlosseno (odo so ähnlich) a mochn konnsch, oanfoch nima gemocht werdn welln, durch des dass sich di leit iboqualifiziert fühln. und itz musse ano an ironischn sotz fa mir gebn: gott sei donk gibs selcha leit wi in pacey, wosn vohindon, dass insra welt in boch ogn get.

(so, itz worte af an berg vollo kritik)