Atombombenpilot

[newworlddisorder]

hmm in machiavelli tate et grot als erschtn heronziochn weil do se hot ziemlich a radikala auffossung fa politik (obwohle mitn macchiavelli [leido] ziemlich viel auffossungen toal [muss]).

Wos die Amis gitun hom mit do Atombombe wor a Vobrechn, a wenn viele sogn des hot noar im koltn krieg vor an Atomkrieg ogschreckt, wos sicho a et gonz folsch isch obo de isch no longe KOAN rechtfertigung fin obwurf fa de 2 Bombm. Die Amis hom hot ihra noia Suppowoffe giwellt in do Realität teschtn und gleichzeitig a Invasion Japans vomeidn und aso homse 2 Floign mit oando kloppe giputzt.

Und Japan hot shcun longe ibo Kapitulation nochgidenkt und sogor in die Amis an Vorschlog untobreitn mit do Bedingung dass do Kaisa an do Mocht belibm terf wos die Amis ogilehnt hom. Die amis hom a bedingungslosa Kapitulation volong und pol se et glei kemm isch san die Bombm gflogn...

So sanse holt amo, ihr Lond voteidign mit jedn Mittl wos recht isch, egal wieviel ondra leit sem draugion...
_________________

[stefan]

i terf in olla, dei do itz mitdiskutiert bwz. -gelesn hom in film "dr. seltsam oder wie ich lernte die bombe zu lieben" eimpfehln. isch fan stanley kubrick ausn johr 1964 also mittlt fan koltn krieg und direkt noch da kuba-krise 62... wer den film no net kennt, sollatn sich echt amol unschaugn.
_________________


no!blog

[enjoyit]

[hagbard]

bravo...

sehr voreilig...

egal...

konn passiern...

hauptsoche du siechsch in dass LA ibbotriebn wor...

Voraussichtlich entfern i mi itz va der diskussion...

amo bis morgen frioh..

greets from city 17

hagbard

[newworlddisorder]

[siroliver]

Von mir aus gsegn wors zwor schlimm dasze die 2 A-Bombn ogeworfn hom, ubbo i konn la des sogn wos schun erwähnt wordn isch: Die Amis hom in Kriag so schnell wi meglich gewinnen gemisst(und natürlich a gewellt). Di Amis hom in Unfong im Krieg gegn di Japaner net grott a guita Figur gemocht, zeitweise hots sogor so ausgschaug dass die Amis im Pazifik untolegn sein[wohlgemerkt: im Pazifik. se hoasst et dass di Japsn a Chance kop hettn die USA eizunemmen.] Am Ende worn di Japaner ubbo wirklich am Bodn(v. A. aufgrund Rohstoff- und Waffen/Munitionsmangels) und di A-Bombe hot ihnen nocha holt a groassongelege Invasion dosport.

Wennse la oana A-Bombe ogeworfn hettn, "wars et so schlimm"(bitte et folsch vostian!!! natürlich wars a schlimm ubbo i woass et wie is in Relation zum negschtn Sotz bessa ausdrückn soll.), ubbo die zwoate Bombe wor lamano a Schweinerei!!! Die Rechtfertigung für di erschte Bombe steht schun af wackeligen Beinen, die zwoate Bombe wor wie i schungsog hon a SCHWEINEREI, weil sem worn die Japaner wirklich schun am Bodn und für die zwoate Bombe missn sich die Amis schamen!!!

Ubbo mir missn di Amis a vostian und vielleicht(wohlgemerkt: VIELLEICHT) hot ins des in 3. Weltkrieg dosport(sölcha "was wäre wenn-Frogn konn man eigentlich et für a Argumentation hernemmen, ubbo in dem Foll tui is dechto").

Wenn es epas an meino Sicht der Dinge auszusetzn hop, i bin diskussionsbereit!
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[pacey]

also, um amol a poor dinge richtig zi stelln:

- es wor definitiv u.a. a test. worum uan bombe aus uran und uana aus plutonium? außodem hom di amis direkt noch do explosion ärzte, wissnschoftla und kamerateams noch hiroshima und nagasaki gschickt und hobm olls gonz genau dokumentiert. di bildo bzw. videos sein is grauenvollste wos i je gsegn hon und worn bis in di 60er johr in pentagon unto voschluss. schaug enk di doku "verbrannt, verstrahlt, vernichtet" un. wer nocha no olba do meinung isch a-bombm warn irgndwio gerechtfertigt, in sebm isch nimma zi helfn. außodem hom di amis dovor et recht viel testn gikennt. di hiroshima-bombe wor uana fa di erstn. 1.erfolgreiche test wor am 16.juli und am 6. und 9. august sein schun di bombm af hiroshima und nagasaki gfoll. awin wionig zeit um ausgiebig zi testn
- do obwurf wor schun longe vorher giplant. ausgewählte städte sein obsolut voschont fa jeglichn bombardement gibliebm, um genau zi segn wieviel schodn di bombe unrichtit
- wedo hiroshima no nagasaki worn militärisch von bedeutung
- japan wor bereits am bodn. do einsotz wor et notwendig. invasion war wohrscheinlich a etamol ma nötig giwessn. japans kompletta seestreitkräfte worn bereits vonichtit. und, ok, a wennse im pazifik zeitweise di ibohond kop hom, japan war nio in irgnda weise in do loge giwessn in do usa inzimarschiern. wer se dechto glab soll sich amol di londkorte unschaugn
- de obwürfe fa di a-bombm wor et di uanzige schweinarei fa di amis. do "geniale" general mc.arthur hot di prima idee kop ibo tokio und di städte brondbombm oziwerfn, weil jo di meistn gebäude aus holz sein. sie hom zwua welln ibo tokio gschickt. di pilotn fa do zwuatn welle hobm teilweise in di cockpits gikotzt weils dermoßn noch vobrenntn fleisch gimieft hot. tokio isch dobei foscht komplett zerstört wordn und es sein meara menschn vobrunn wi pa hiroshima u.nagasaki mitnondo
- general mc.arthur hot a in korea kriog unbedingt atom-bombm af china schmeißn giwellt. er hot sich um sein wille durchzisetzn sogor ibon domolign präsidentn hinweggsetzt. deswegn hotn do trueman a ausngschmiessn. und des wor et la irgndua general. des wor do hochdekorierto general wos in 2.weltkriog is obokommando kop hot und zi der zeit wors do uanzige 5-sterne-general fa do usa
- a in vietnam hots in di schublodn konkreta pläne gebm atomwoffn massiv inzisetzn. vor ollem um in ho-chi-minh-pfad fan vietkong zi zerstörn
- atombombm sein a gefährdung wi kua ondra. in koltn kriog hots pläne gebm im ernstfoll (z.b. kuba-krise, isch zum glück obo nomol guit ausgong)
massiv atombombm gegn in warschauer pakt inzisetzn. unto onderem in "single integrated operation plan-62" wo innoholb fa 28 stundn 3423 atombombm ogiworfn wearatn. sie warn dovon ausgong dass 54% fa di soviets und 16% fa di chinesn getötet wearatn, pa lei 16 mio. tuata amis


denkt olla amol awin dribo noch. isch a wichtigis thema

ah, jo. des obm sein olls fakt u. et irgndwelche dofundna sochn. hon mi unto odorem a af do uni ausführlich domit ausonondo gsetzt

[siroliver]

@pacey: I hoff i bin et folsch vostondn wordn: A(BC)-Woffn sein nia a Lösung. I vourteil in Obwurf fa die A-Bombn übo Japan. Es wor sicho a Fehla und wenns et passiert war, schaugat di heintige Welt sicho gonz ondoscht aus. Vielleicht bessa, vielleicht letza.
Mir kennen la hoffn dass die Menschheit aus di Fehla der Vogongenheit gelernt hot(deswegn isch Geschichte va mir aus gsegn oans va di wichtigschtn Fächo in do Schuile!!!), ubbo onscheinend isch sel et so, denk mo la amol an di Antimaterie-Forschung(se gibs wirklich!!! isch et la van DAN BROWN[Illuminati] dofunn wordn).

Denkt an die Onfänge der ATOMFORSCHUNG!

Entschuldigt dass I vam Thema oweich, weil eigentlich sollats la um A-Bombn bzw. in Pilot gian. Vun mir aus gsegn hot do Pilot koane Schulde.
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com