Wohlstand

[hons]

i hon geschto im leicht angetrunkenen zustond gonz a intensieva diskussion mit a poor freinde gführt... und i hon im laufe fa der diskussion gemerkt, dass die meinungen zum thema wohlstond sogor pa ins, obwohlmo af sella gebiete eigntlich meischtns uano meinung sein, weit ausanondo get.

deswegn meina froge: wos bedeitit für enk wohlstond? glab es, dass es zi di wohlhobenden keart, odo seid es do meinung, dass es zido mittlschicht odo gor untoschicht indo weltbevölkerung keart?

seid es do meinung, dass a mensch, der a wohnung hot und essn mauln konn, dassa orm isch?

wos bedeitit für enk ormut? Isch für enk jemand orm, der olla seina grundbedürfnisse stilln konn, obo net mehr, und wie weit gien pa enk di grundbedürfnisse?

so genui gfrogg, iz worti af ontwortn!

[ruffy]

es kimp olm afn kutlurkreis un.
af weltniveau seinmo sich pa do oboschicht("mir hom schuiche") .

mir sein iz ba ca 7 milliardn menschn, kenn ins vielleicht zi 30%guit ernärhrn, wie sollmo in zukunft 10milliardn menschn und mehr ernährn, uhne insra umwelt komplett zi zerstörn? es gib anfoch zi viel menschn af den planetn. wenn mir olle inso vomögn autoaln tatn, olle in orme gebiete owndon tatn, hettn olle menschn decht et ginui um wirklich "human" zi lebn.
rein objektiv gsechn, ischs fi die umwelt a vorteil, wenn die menschheit dezimiert werd.
es isch la mies, dass mir in den "wohlstand" inne giborn werdn. mir kenn nix dofir, dassmo reicha sein wie viele milliardn ondre. sicho, mir kennatn mit inson vomögn noch afrika odo sust wohin gien, olls autoal u noa selbo grodgrod ibolebn.isch sel obo wirklich a lösung?

i finds egoistisch fan menschn, dass er sich sorgn mocht, wie er ibolebn konn, die natur obo, insra oanzige lebnsgarantin, ausbeutit und zerstört. wenn, noa missmo olle "orm" werdn. olle af an hoachn lebnsstandart zi kriegn isch unmöglich, schun lamol, weil zi wienig orbat,zi wienig rohstoffe, zi wienig plotz und zi wienig geld im umlauf isch.

des isch la a gedonkngong, also bitte koane schläge
_________________
Ein Experte ist ein Mann, der hinterher genau sagen kann, warum seine Prognose nicht gestimmt hat.

[hons]

jo hoi wolda! geschto ischmo net so bewusst gewesn, dassmo uando meinung sein ;p! se wor do rausch glabi !

i bin vollkommen deindo meinung. es konn jedo afdo
welt a auto hom. sel isch a soche, de rein technisch schun amo net zi bewältign isch. obo es isch unglaublich ungerecht, dass mir teileiße zwua autos pro familie hom, oft a drei odo vier, und ondra hom im gonzn dorf nettamo uans um ins kronknhaus zi fohrn, wennse se ibohaup uans hom.

und bsundos des mitdo natur stimmp! i konn mir net erwortn, dass di natur ewig mitspielt mit insro "wirtschoft". es get et, dassman mehr bame hockt, wie dass noia nochakem, jedo volksschiela konnmo sogn, dassze sem irgndwonn gor sein.
i glab es gib net viel, wosman net kafn konn, obo inson lebnsraum kennmo net kafn. lebnsraum isch a soche, de nochn zerstörn irreversibl gschädigt bleibt...

ich danke für die aufmerksamkeit
hannes

[newworlddisorder]

@ruffy

wegn do untovosorgung... i glab mir bauchn et recht ongscht hom weil THEORETISCH wert momentan af do welt ca dopplt so viel lebnsmittl hergstellt wie vobruacht wearn, (pa ins vor ollem donk EU exportprämien). a wenn de sitz awin komisch kling, denkt amol wieviel pa ins täglich zoig wekgschmissn wert weil eventuell awin elta isch odo in hotels usw.

schun traurig dass af a welt wo dopplt soviel hergstellt weart wie nötig isch no millionen leit voungon...
_________________

[testbild]

[stefan]

i les grod a buich zin thema:

leben ohne zu arbeiten
zur sozialtheorie des garantierten grundeinkommens.

hot a prof. fa mir gschriebn und isch gonz intressant. utopischa unsätze, dei noar obo ziemlich [kloroweise net perfekt] untomauert wern. da typ tut sich leido ba da finazierungsfroge awin schwar, weila a philosoph und kan ökonom isch. dafir voweista olbm recht schneidig af ondra ökonomen, dei des scheints schun amol durchgerechnt hom und irgndwie fi mochbor erklärt hom. da autor fan buich sog noar, wenn mo dei gonzn finanzierungsvorschäge kombinieratn, funktionierats. la schode, dassa kan modell liefot, obo wie schun gsog, er isch kan ökonom.
wenni enk des itz daklärn missat, sterbatn meina fingo fa viel schreibn, deswegn a link fa meino mitloweile lieblingspage im netz.

http://de.wikipedia.org/wiki/Grundeinkommen


isch holt amol a anti-neoliberalo onsotz um "reichtum und wohlstond fi olla" schoffn zi kenn, wos jo is erklärte endziel fan neolieberalismus dorstellt [dass ich nicht lache!]
_________________


no!blog

[barista]

do gidonke "vuschenkn wos ziviel isch" war do oanfochste unsotz. leichtit jedn in, find jedo girecht usw.
des mit do finanzierung isch klor a problem...sicho obo a zi lösn
obo viel is greassere problem isch is "ökonomische" denken. gewinnmaximierung, geringe kosten... es werd im moment leido viel zi viel noch kapitalistischa grundssätze und kategorien gileb und deswegen glab i, dass' viel schwieriga isch di lait dovun zi übozeugn eppas ohne an direktn materiellen nutzn für sich selbo zi tian.
sogn tut a jedo dass er dozui bereit isch, obbo bolls wirklich draufunkimmb sein di wianigschtn dozui bereit(siehe unfall->wieviele helfen?)

[agentorange]

I denk die übolegung sochen wos zi viel produziert werden in die industrieländo, bzw. wos man sischt „wegschmeissat“ in die ormen ländo zi schenken isch et die richtige lösung, zumindescht et longfirschtig gsechn, weil…
1. es sich vor ollem um lebensmittel hondelt, wo sichs logistisch, technisch und wirtschoftlich gsechn et rentiert soweit zi tranportieren…
2. so la kurzfrischtig geholfn werd, bzw. is übel et ba do wurzel gepokt wird und la no a stärkera obhänigkeit entsteht…
3. die leit in die ormen ländo vielfoch et beschenkt werden well, sondon selbo epas schoffen well, ihnan obo die meglichkatn (freio zugong zi die märkte, gerechto lohn fi gerechta orbat, technisches know how usw.) fahlt.

ebenso die utopie van garantierten grundeinkommen, weil…
1. niemols bezohlbor!
2. die orbatsmoral in do bevölkerung sinkt gegen 0, wieso sot man noa übohaupt no orbatn?? Is beschte beispiel isch jo itz schun deitschlond: viele leit kassiern orbatslosengeld, orbatn oft nebenbei schworz…
3.in an stoot wo es ein grundeinkommen geben tat, kammats fria odo speita zi unübowindbora innenpolitscha sponnungen, zwischen de schichten wos is gonze system finanziell trougn und de wosn la dovun profitieren…

I denk richtiga onsätze fi die lösung va dein problem waren:
1. Olla Stootschulden missen in die die ormen ländo erlossen werden!
2. Projekte für gerechte märkte, infrastruktur, gerechte löhne, schulen, aufklärung und gegen kindoorbat missn vostärkt finanziert werdn!
3. Anstott an militärdienst, werdn junga leit ingsetzt oben genonnte projekte aktiv zi untostützn!!
4. Finanzierung: Anstott geld in die Rüstung zi pulvern, durch entwicklungsprojekte longfristign Friedn sichon!
5. Bildungsoffensiven wie AMD’s 100 Dollar Notebook untostützn…
…
so, des isch mei ungefähre Meinung zi dein Thema. Isch awin long gewordn, obo ondra schoffns Biocho dribo zi schreibn
_________________
Gott hat den Menschen erschaffen, weil er vom Affen enttäuscht war.
Danach hat er auf weitere Experimente verzichtet.


Mark Twain (30.11.1835 - 21.04.1910)
US-Schriftsteller

[stefan]

[agentorange]

Loss mo itz amo die frouge der finanzierbarkeit drausn, weil ums genau zi wissn missat mans amo in do praxis teschtn, se glabe wersch in naho zukunft (leido?) obo et passiern...

es nutzen ins die beschtn systeme, theorien usw. nicht wennse in do praxis gonz ondoscht ausgführt werdn... es werd ollm personen gebn, de wos selcha systeme zi ihren gunstn ausnutzn...leido! Sem brauchmo et noia systeme, es brauchat noia Menschn!