Verkehrsfrage

[eero]

na hoi, leit, get net olla af dein "e". i moan wennman schun amo sein nomen net gonz auschreibn konn...

also zu dem thema sich do eh schun ols ausgibreitn wortn, wos man lei sogn konn, deswegn wertas fa mir a net unbeding viel noiis hearn.

dass sich wos endon muss isch klor, und mir isch a vollkommen klor, dass derjenige, der do die entscheidung treffn muss a rießngroaßa voontwortung hot. und indem mir ba do volksabstimmung a kloris zeichn setzn (= NEIN zum Ausbau ) kenn mir dobei helfn die entscheidung in die richtige richtung zi lenkn!

Also i will af koan foll dein gonzn scheiß vokehr do ba ins im pustotoul hom. dassz olba mehr wert isch gonz logisch, obbo dass mir de zunohmen fördon a no, NEIN danke.

des isch a gonz oanfochis prinzip, je greaßa die kapazitäten, desto greaßa do durchfluss. lei dass do die kapazität mit jede menge risiken - und vor ollem - gesundheitsrisiken vobunden sein, de MIR oanfoch net trogn well!
_________________
Es ist die Frage, die uns quält....

[matthias]

iz denkt amo logisch noch, wenn man momentan irgntwo hin muss, steatman reglmäßig in Stau. Und sel find i oanfoch nervig. Öffntliche Vokehrsmittl ok, obo di sem fohrn holt meistns et dohin wo man hinmissat, odo sie fohrn zi tumma Zeitn.

Und tut mo load, obo glabas wirklich, dass di Touristn, de wosn zi ins af Urlaub kem mit di Öffntlichn Vokehrsmittl fohrn? Also i glab sel net. Oanaseits will man jo dass olba mehr Touristn kem, obo ondraseits war recht sie lossatn ihra Autos dohoam. Sel olladings wert sicho net passiern. -> es wearn olba mehra Staus sein. Und öffntlicha Vokehrsmittl sein wol a Busse, und di sem stian gleichviel in Stau.

Deswegn wer i sicho net gegn in Ausbau va di Stroßn Votn, i wer dofiar Votn.

lg

[hons]

ma matthias wenn du durchgelesn hesch, wos i in de zwua forumthemen (unto termine gibs a no uan wos foscht gleich isch) gschriebm hon, nua wissasche eh schun wie i deina Argumente entkräft... obo i sogdos neamo kurz: Touristn kemm sicho net zi ins, wenn insra Natur zuibetoniert isch und sie fan Pustotol nichtma hobm... Inso kapital isch die natur und net, dassmo schnell erreichbor sein. Meran zum Beispiel wor no vor 50 Johr uando fa die 3 wichtigschtn Kurorte europas... Seit a poor Johr (->Mebo) sein die Feinstaubwerte schun soffl gstiegn, dass gruaßa Reisevoonstolta, wie zum Beispiel TUI Meran gor nimma als kurort bezeichnen welln und die Kuraufentholte sein gewaltig zrugg gong.

Und dass a guita Stroße gleich einem guitn Tourismus isch, stimp jo net, weil is beschtbesuchte Touristngebiet in Südtirol, is Gadotol, gonz sicho uana fa die letzigschtn Stroßn hot... Obo in die Italiena ischs wurscht, obse iz a holba Stunde änga brauchn do innin zi kem... hauptsoche die Natur passt und die Berge sein schien...

Und is Eisacktol, wos is Tol mitn meischtn Vokehr isch, hot la ungefähr ein neuntel fa inson Tourismus...
Also des mitn Tourismus stimp amo gonz sicho net wos du do sogsch...

Und des mitdi Vokehrsmittl: I gibdo vollkommen recht... genau deswegn missmo jo endlich amo awin Geld in die Öffis investiern, domit dissem attraktiv wearn und man ibroul hinkimp, ohne ewig long uamanodnowort zi missn... Und dass a Bus wieniga Stau mocht, wie die 25 Autos wosn stott an volln Bus fohrn missatn, leichtit do woll in, odo?

nix für unguit, obo i glab du hosch di net richtig informiert odo no net richtig dribo nochgedenkt... Wenn du mir sogsch du wilsch Stroße weile gearn unobhängig bisch und schnell forsch und dir dein Gsundheit gleich isch nua konsch für die Stroße voten.

lg
hannes

[stefan]

@matthias: i glab do, dasse et oft mit öffis untowegs bisch... und schun gor et in pustotol!

weil sem terfato et entgong sein, dass volle viel touristn (seis italiena, wie deitscha) mitn zug zi ins kem! i denk übrigns net, dassmo OLBM MEHR tourismus welln / brauchn...
_________________


no!blog

[matthias]

@hons deina Argumente in ehrn, i vostease jo a, und i glabdo dass des aso isch. Trotzdem bine firn Ausbau va di Stroßn.

Di öffntlichn Vokehrsmittl wert man wohrscheinlich et soweit ausbaudn kenn dassman et wortn muss, weil sorry, obo wenn i a holba stunde af an Bus wortn muss, fohre mitn Auto, weil di gesommte fohrtzeit a Stuck kirza isch wie de Wortezeit.

Und terfi a kloans Beispiel gebn wie desorganisiert insra Vokehrsmittl sein: I hon vor 2 Johr in Oaling giorbatn. Wenne noar mitn Bus (SAD) afnocht ochagfohrn bin, hone gimisst a volla Stunde afn Bus noch Reischa wortn, la weil di SAD et af do Busholtestelle afn Grobn holtn terf. Foscht is gleiche wors in do fria, sem hone gimisst vor do Orbatsstelle ibo a holba Stunde wortn, weil do Bus zifria gfohrn isch.
Tschuldigung wenne sem mitn Auto fohr.

Sorry, obo wos dowortit es enk bitte van Ausbau va di Öffntlichn Vokehrsmittl?

Odo dass di Busse efta fohrn wern?
Glabas dass a Busfohrt billiga wert?

Wennas sel wirklich glab mussi sogn es seit sehr naiv.
Fir viel leit ischs Busfohrn oanfoch ungschickt. Wenn z.B. mei Mum mitn Bus zi do orbat fohrat, missatse durch foscht gonz Bruneck gian, und sel konns decht et sein, odo?


@stefan: I fohr eigntlich jedn Tog mitn Bus in di Schuile und a wiedo hoam.

lg

[hons]

jo wenn mir des gonze geld, wos die stroßn koschtn in Öffis steckn nua hättmo jo sogor zi viel geld...

mit do bestehenden Kapazität kennatn mir jeda 17 min durchs Pustotol an Zug fohrn lossn... Und sell war jo sogor mir ziviel... Des huast Koschtn für noia Gleiße follatn wek... Is uanzoge wos sem zi zohl isch, isch do Strom fürn Zug.

Und wenn mir in Bruneck Stodtbusse insetzn, nua brauch a niemand zi Fuiß zum Beispiel in die Industriezone ogn lafn, weila sem is Büro hot...

I sog jo: IM MONET FUNKTS IBOHAUP NET MITDI ÖFFIS und genau deswegn missmo ins jo amo af dissem konzentriern und net olm la af die Stroße., weil disse wert suscht schun olm ausgebaut... Odo warsch du net a frua, wenne in a poor Johr Johr, boll du widdo Ualing musch, jeda 15 min a Bus fa Reischa afn Bohnhof fohrt und sem nua olla 20 min a Zug wek?

[matthias]

i sog jo net, dassman di Öffis et ausbaudn soll. I soug lai man sollat et lai af di sem schaugn, sondon a af di Stroußn.

La amo a froge hons, fohrsch du wirklich soffl gearn mit di öffis, odo hosche no ka Patent, odo homsidos schun wiedo ginumm? Odo hopas amende ka Auto dohoame?

@hons sella Meinung konn foscht la jemadn hom wos in Bruneck wohnt, und eia seltn mit di Öffis fohrt, bzw. sich leicht intoal konn, wende dassa mit di Öffis fohrt. Denk amol wos jemand tuit wos irgntwo in an Dorf wohnt, firn sem geat des et aso oanfoch wie vielleicht fir di. Di betrifft des mit di Busse und Züge net direkt, also konsch du do eigntlich gor et mitreidn.
Und vore glei wiedo schreisch na Hilfe, beschützt inso Natur...Vosuich amo ibo ondra Meinungen aswie deina nochzidenkn, und et do Meinung zi sein, dei Meinung isch di richtige, di Ondon sein folsch. Es gib immerhin leit, de sein af ihr Auto ungiwiesn, und fir di sem ischs anfoch unongenehm ibo di Pustotola stroßn zi fohrn. Hoschdo des Thema schun amo va do Sicht va de Leit iboleg?? Tui sel bitte amo vore is negstimol do ontwortisch, danke.

lg

[hons]

mussdo sogn, dass i se schun getun hon... und im grunde ontwortisch du af dein Froge jo selbo und mir sein jo uando meinung: Es gib olm no leit, de af ihr Auto ungewießn sein, wie du jo selbo schreibsch... und isch se net traurig, wenn i sogn muss i muss mein Auto nemm, weili suscht net hinkimm wohin i will? Sogmo gonz ehrlich...


und i glab, dass a gonz viel leit wosn a auto hom a gegn an massivn Ausbau fado Stroße sein... und se schun amo la deswegn, weil ins jo no a schnellara Stroße nix bring... Odo isch se für di net egal, obe iz a Minute länga brauchsch fa Bruneck bis Percha (isch ca die zeit de man durch a Erweiterung fado Stross zwischn Bruneck und Percha insporn kennat). Di Schnellstroße bring jo la in de Leit epas, de net pa ins wohnen und is Puschtotol la als transitstroße brauchn...

Und di bessare Stroße bring jo net wieniga Vokehr, sondon is Gegntual... deswegn vostei net wie man fa entlostung fan Vokehr redn konn...

Und übrigens hosche komplett unrecht: i hon is Patent, si hommo no nettamo uan Punkt genumm, und mir hom zwua Autos dohoam... und mir sein zi dritt wosn a Patent hom, wobei uans fadi Autos eigntlich oft dohoam stett...

ajo und tschuldige wenni di ungegriffn gfühlt hosch... wor net mein obsicht

[foxhound]

die Lösung: 1B, Maut und Nochtvohrfobot fi LKWs(wiesis in do schweiz hobm)

Und zi do Volksbefrogung: boll mann amo die möglichkeit hot mitziredn, nou seins die Leit zi faul (28% sein la hingong) weil a schiens wetto wor, weil sie des nix scheisst, oddo weil des decht nix nutzt. Poll mit amo die möglichkeit hobm pan an Thema des wos ins soffl direkt betrifft nou sein sis zi faul. he isch traurig
_________________
Steh auf! Zum schlafen bleibt uns noch die Ewigkeit!
Omar Khajjam