Welsberg - Bruneck: 6 Std.

[schneida]

Nochn Maturaball in welschberg leschtn somsta (divina comedia):

erschto hots ghoasn, dass do brunecka-bus schun um 2 hoamfohrt.. nojo obbo um 2 isch ebm koan bus kem, komischaweise.. widdo zrug, a runde gimocht und so uma 3 widdo ausa, afn bus zi wortn.

Eha schun awin miade giwesn, kolt wors, honmo dohoam is bett vorgstellt und hon logisch nix ondos ma giwellt as wie sell so schnell wie meglich zi ereichn..

Noch a viertl stunde ca. in do kälte, isch wo oando kem, is erschte wosi gitun hon wor, dassi gfrog hon ob der bus bruneck fohrt...

Ok suppo zin glick: er fohrt noch bruneck!!
Do luu mit den i arause wor hot afn teldra-bus wortn giwellt ( der wos eigntlich schun längscht gsollt het do sein.... )
hon lammano in die wärme inegiwellt... irgndjemand werd wo no insteign, inzwischn gehi holt amol inne, honimo gidenkt...

In bus drin honimos nocha gimiatlich gimocht, köpfhöra augsetzt und die wärme ginossn...

...
...
...

Tui die augn longsom au: siech a fenschto nebm mir, olls dunkl, koana leit ma... nocha bini amol augston - olls sessl dumidum... links siechi fan fenschto aus olls ondra busse... schaug af die uhre: holba 7a in do friah!!

Scheisse – i hons in bus vopennt – vodommt!!

Die hintotiar hota woll a vogessn zuizitin - do busfohra - zin glick..
wolli noch a poor orientierungsschwierigkeitn endlich an ausgong ins freie gfun hon [ fahlts, wors sebm kolt.. voll a wind gong ] honimi noch an ortsschild umgschaug... erschto honi gidenkt i bin irgndwo in brixn.. in a halle fa an busuntonehm (weil der bus moani brixn gfohrn isch) --> nocha honi obbo gicheckt dassi in niedodorf gilondn bin – in do industriezone bzw. hondwerkerzone..

Nebm do strosse honi angaling a stroßnschild gsegn, wosmi zi do „Bahnhofstrasse“ bzw zin zugbohnhof fa niedodorf gführt hot.. do negschte zug war obbo erscht um 10a oddo so gfohrn...

..

wolli ba do busholtestelle nebm do hauptstrosse gsegn hon, dass do negschte bus ca. ina stunde fohrt (08.15uhr) bini zrug zin worteraum fan zugbohnhof und hon sebm ( in do „wärme“ -- do heizkörpa hot auso lauta giräusche nix fa sich gebm) giwortn bisz viertl noch 8a isch.

Dohoam bini nocha schlussendlich awin vor 9a unkem -- wor des bett fein

[pp]

Story des Jahres, Respekt ;-)
_________________
Youonweb.it - Immer wissen, was abgeht!

[stefan]

genialo vorfoll!

konn mo dein gsichtsausdruck leido et vorstell, woe di augn augetun hosch...

di busse worn obo wirklich et gonz hallo. ba ins hots ghaasn, da bus fohrt um 2 richtung innichn... um viertl noch 2 isch schun a bus kem, obo af bruneck.
noar homo holt weitagewortn, obo da negschte bus (viertl vor 3) isch erstaunlichoweise wido bruneck gfohrn.
irgndwende isch noar obo a inso bus kem und wor (soviel i mi erinnon konn) gsteckt volle.

es wor no ba jedn ball in welschberg aso, dass man als innichna a stindl in da kälte afn bus gewortn hot. mog schun sein, dass mir des (onscheinend) gewähnt sein, obo dechto...
_________________


no!blog

[luis]

kenn mich noch erinnern an unserem Ball! Die Busse sind gefahren, jedoch da man 2x nach Welsberg fährt (Bk->Welsberg->Bk->Welsberg) bei der Hinfahrt aber nur 1x zurück, naja - kann man sich die Reaktion vorstellen...

Aber auch beim Ball am 18.09. gab's ein paar Stories! Wir haben um 19:40 brav in Vintl auf den Bus gewartet, bis ist aber erst um 20:50 ca. in Vintl angekommen. Der Witz dabei war: Der Bus war voll und es war nur ein 35-Sitzer

Fahrtroute: ->Gadertal->Bruneck->Vintl->Welsberg, net, nicht?

Jedoch nicht nur von Vintl->Welsberg
_________________
Die Heißenberg'sche Unschärferelation war mir schon immer suspekt...

[blog] [hp]

[servante01]

Maturaball in Welsberg und die Busse.... a zacha Soche.

In gonzn Nommitog hon i manondotelefoniert, hon koan Inlodung kob und a koan Ohnung wende dass die Busse fan Toul fohrn.
Ok, des Problem hon i irgndwie und irgndwende gilöst.
Um 19.50 in Mühlen hots ghoaßn, koan Problem. Obo leido hot do Bus in Mill et giwortn .Na, er isch vor do Zeit kemm und hot et amol ongholtn.
Also gibs la 1 Lösung, nämlich schaugn dass man ihn in Bruneck dotuit. Also hon i mit a poor Freinde a Taxi ginumm und bin Bruneck außn.
In Bruneck hot do Taxifohra no gfrog, obmo schu sicho Welsberg kemm(wirklich volle nett), obo in Bus homo stion gsegn und noa homo onginumm des werd schun passn.
"Der Bus isch viel zi volle! I fohr itz augn und kimm noa neamol oa!" , die Worte fan Busfohra(wie konn man la so knollhort liogn? ?). Zin sem Zeitpunkt wormo no ca.25- 30 Leit. A Stunde und 100 % tauba Hände und Fioße späta wormo no zi 10nt. Die meistn hom a Taxi ginumm und irgndwende hom mir se a giton.

RESULTAT: -fa Millwold bis Welsberg 3 Stundn gibraucht
-2 mol a scheißtoiris Taxi gizohlt
-1 Stunde in do Kälte gstonn
-neamol 20 min afs inne- und afsklogion giwortn

Et amo do genialste Maturaball gleichat de Zeit in schrecklich schmerzinda Schuiche und in -3 Grad koltn Bruneck aus...

Des wor a echt frustriernda Erfohrung und i hoff, dassmo des mit die Busse ba mein Maturaball bessa hinkriogn.

[doc]

SHIT HAPPENS

so wos isch schun volle link, mei bruido (sebn wora 12) hots a amol in bus vopennt und wor noa in do busgarage in antholz (i bin fa rasn)... mei mum hots volle nervlich kriog, schun die karpfn ungileitn, noa kimpa ba do haustior inna... so wos passiert dir la oamol
_________________
(in Arbeit)

[mini]

@schneida: Des isch secco di Story des Jahres ***BRÜLL***

La zi dein Information: Do BüS Bruneggn ochn isch schun decht um 2 gfohrn! Mann wor des fein...

[schneida]

[ruffy]

RESPECT!!!
lame zach. obo do sicht man wido, olm is gleiche problem pa di maturabälle und irgndwie find niemand a lösung..hmhm
_________________
Ein Experte ist ein Mann, der hinterher genau sagen kann, warum seine Prognose nicht gestimmt hat.

[felix]

Haha...Schneida du Freak; des konn a la dir possiern. Wircklich di Story des Jahres.

Jo des mitn Buss wor wircklich voll a beschiss. Der isch erscht um ca. 4 kem und hon ano Pfolzn gimisst. Um 6 wore holt noa dohoame...obo zin vogleich mitn Schneida isch des nix...
_________________
Das Tier frisst, der Mensch isst, doch nur der Mann mit Geist, speist!