Maturaballkleidung

[nightfairy]

mir ischs eigentlich egal wia oaner sich beim ball unleg. und wenns soffl stört,
donn soll man holt af die einlodungen usw draufschreiben:
einlass nur mit abendgarderobe.
_________________

[duddi]

I find et dassz ba di bälle soffl ums "saufn" geht, viel mehr gehts wo dorum dass die maturantn so viel wie möglich geld mochn welln... Sprich wenn af do einlodung wos fa festlicho kleidung drausteht kimb decht meistnsn jedo inne, egal wos er ongileg hot...


Deswegn missn des di voonstolltenden klassn fi sich selbo entscheidn wosze welln, an "schien" ball, odo so viel wie möglich geld mochn...


PS: i persönlich mussz a et hobn wenn a poor daherkem wie fa an festival...
_________________
Ein Kansas City Shuffle ist, wenn alle Welt nach rechts kuckt, während du links rum gehst

[siroliver]

Also i bin übozeugt dass a Klasse wennse sog: eintritt nur mit festlicher kleidung unton strich mehr Einnhomen hot als wia wenn net.

Weil:
die Atmosphäre isch bessa - die Leit stimmen sich jo schun vorher afn Ball ein, weil net ajedo laft olbn mit Onzug oddo Hemd manondo

Dodurch dass die Stimmung bessa isch konsumiern die Leit mehra

Des mog zwor a Vorurteil sein ubbo meistns ischs schun aso dass man mit di unto 16jährign etc. Probleme hobn konn weilse sich oft net aufiehrn. Außodem glab i kaum dass oando der sich netamol die Mühe mocht sich wos gscheids unzulegn recht viel konsumiert.

Do derf sich iatz ubbo koando betroffn fühln der aus Prinzip sei Kleidungsstil et voändot, sell isch anjedn seine Soche und i finds a guit wenn oando zu seino Identität steaht, ubbo mir persönlich kimmp holt vir af an Ball ghert wos Ballmäßiges ungeleg.
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com

[thefallen366]

Zin oan muss schun amo gsog sein, dass sich af an maturaBALL holt amol kehrt awin ordntlich unzilegn, sem stimme siroliver voll u gonz zui.
Zin ondon muss obo gsog sein, dass de maturabälle heintzitoge fost gor koa niveau ma hom... a beispiel: man leg sich holbwegs elegant un, nuar kimb a seta bsoffno daher und speib do in gonzn Onzug foll... brabo, u nuar .. fan ball obhaudn, onzug in di reinigung.. und scheise ging... deswegn, i sogat es kahrt sich af jedis treffn asou unzileign welchn niveau des treffn a entspricht, u wens mit di maturaBÄLLE aso weita get, noar wern zi guito lescht sogor di maturantn mit jeans und pullover ihrn ball feirn.
_________________
nach lust und laune

[chris90]

[cruelangel]

Hmmm... Also aus Prinzip tati mol sogn dassi niamand zwingen will, irngwos ondrs unzuziachn. I ziachmr schun gearn zun ball wos schians un, obr wenn sich jemand in eppas elegantn wirklich v unwohl fühlt, ischmr liabr er kimmp normal. Wos nuar ollrdings a zu sogn isch: i wear af kuan ball an wirklich schianen rock odr gonz schiane schuach unziachn, hel ischmr schlichtweg zu schode: olle schittnsedr zuig un, afn bodn lig v dreck, wenne uan mol in di disco einigeasch sein entwedr di schuach odr di hosn/rock schun v dreck, alk, scherbm, lettn, ect. Schiane jagge (a wenne hel jo drinnen meistns oziachsch) brauchsch a kuane mitnemmen, weile ned woasch obese nuar aus dr garderobe wiedr zrugkriagsch... Hel spricht holt a gegn (zu) elegante kleidung, wenne ned vor hosch di di gonze zeit lei in groaßn sool aufzuholtn mochschdi garantiert dreckig.

Ogsechn fan sem findi, dass di Bälle heintzutog vor ollem untr dr Unverfrorenheit fa di veronstoltendn Klassn zu leidn hobm. Unfongen tuats ban Eintritt: i hon in Eindruck, friar hots ghoaßn 13 €. Fa mir aus gsechn war in Ordnung:
Eintritt 13€
Eintritt mit Begrüßungsgetränk (olle s gleiche): 14
Eintritt mit Freigetränk (freie Auswohl):15 € <= hel hobm mir ghob, weilmr ins gedenkt hobm du konnsch ned di leit 15 € blechn lossn u ihnen lei soan billign prosecco undrahnen. Iaz denkimr hettmrs decht getun, weil sowos wia Onstond gibs do woll niamr, heintzitog: 14 € uhne nix, 15 € mit Begrüßungsgetränk... unvrschamt.
Nuar geats ban Bus weitr, iaz fongs schun un 6 € zu kostn - i woaß dass di busse olm a defizitgschäft sein, obr hel isch fa mir aus zi akzeptiern und aus, des findi nuar holt richtig frech, irngwia hotsbis iaz no a ort "kodex" gebm dass bus 5 € kostet u schluss.
Nuar sein di Unhänger teilweise billig gem8, di Deko hot oft wianig mitn Thema zu tian (bittschian, wenns a Thema gib nuar isches a Themenball, suscht gscheidr "Abschlussball" und di soche hot sich). Di Mittrnochtseinlogn bestian meistns lei aus irngan tonz wo sich holt a poor zun offn mochn (wos mir persönlich zu longweilig isch), odr di maturantn sigsch ibrhaup nia auf dr bühne, wos a schun vorkemmen isch...
Wenn i holt auf an Ball gea wo i genau sig dass sich do jemand kuane Mühe gem8 hot u i woaß dass mir ins ba insrn v ungstreng hobm olls aufanondr ozustimmen, nuar nervt mi hel un und i frogmi obmr ins ned a gscheidr wianigr orbeit gemocht hettn und di leit warn dechtr kemmen...

[cheese]

guit ungeleg war do sinn fa do soche, obo se past noa nima mit den gsaufe zom!! u nebnbai passiert mit den gsaufe dass de kleidlan komplett hin gemocht wearn mit unlarn fa sea saftlan odo cola rot odo sean shit...

daswegn gei i hot amo net mit an onzug af an ball...

[lukfis1]

top thema!
konn in die "schian unlegn" Befürworter lei zustimmen!

weil: a koschtenfroge ischs net unbeding: kafsch an onzug im c&a oder wo auch immer. isch a oanmalige investition und den legsch jo net lei fir an maturaball un... und a argument das ols dreckig isch, und leit di mit getränke unlarn usw isch wol a witz! dir konn is gleich a mit jeans und leibele passiern und wos isch mit an onzug der dreckig isch?? *hmmm*

vielleicht oanfoch in di waschmaschine ba 40° und passt! zimindescht ba meine 2!

naja, wie auch immer!


isch vielleicht a neuer standard af di bälle ba ins!
i finds net guet, man konn obr a nicht mochn. konnsch a niamand zwingen ...
_________________
Holz in den Wald zu tragen ist töricht.
Lateinisches Sprichwort
-
-

[cruelangel]

ba an onzug fa mir aus, obr wenne schianrs zuig hosch, konn hel durchaus a empfindlichr sein... u hem ischsmr nuar für de bälle do ba ins zu schode.

[siroliver]

Die Soche isch de: wenn olle wos "empfindlichas" oddo elegantas oddo wia man sogn will unhettn, passatn di Leit a mehr au. Sell ghert für mi oanfoch zum guitn Ton dassman an ondon net unschittet und et mit do zigarette in do oan hond undn Glasl in do ondon in do Disco lama durchdrahnt - olls schun gsegn.

Ba mir ischs holt so dass i aupass und soffl zuidosoffn dass i an ondon "wirklich" ungschittn hett. Sicho giahn amol a poor Spritza donebn, ubbo die semm bringsch ohne Probleme mit an feichtn Tuich außa - va an Onzug jednfolls
_________________
"Der Mensch ist am wenigsten er selbst, wenn er für sich selbst spricht. Gib ihm eine Maske und er wird dir die Wahrheit sagen." - Oscar Wilde
http://youonweb.it.myminicity.com