JGR - Vorschläge zu Bruneck

[florrii]

Seavus leudde!

Also, i hon mir amo übboleg wie man mitn Jugendgemeinderot amo eppas dorichtn kannt, wos in die jugendlichn fa Bruneck und Umgebung amo wirklich helfn kennat!

Es isch zwor traurig obbo wohr, dass mir (do JGR) amo nix zu stonde krign, wos obbo a mit seina struktur zomme heng (es gib obo bereits Voänderungen)! Na,.....obbo itz zrug zin eigntlichn Thema: is problem isch jo des,...dass di Jugendlichn net wissn wise mit ins redn kenn oddo übbo wos eigntlich!

Nua hon i mir itz uanfoch amo spontan gidenkt, wend i mi direkt an enk und frog: WELCHA VORSCHLÄGE hettat des um Bruneck geila, gemietlicha und uanfoch JUGNDGERECHTA zi mochn!

zum beispiel hon i amo in vorschlog gibrocht af nocht (noch 12) is wochnende 1 oddo 2 Busse in di fraktionen fohrn zi lossn, oddo in winto fan BEGINN fa do Saison an Gratis Skibus und et erst pol di Touristn kem!

Na boh,...i wuass et ob enk des interessiert obbo i honmo la amo gidenkt i post des amo her,....und lodme übboroschn

Gre(t)z florri

[mini]

Des mit di Busse, de afnocht in di Fraktionen fohratn find i a guita Idee!

Und des mitn Schibus isch eh schun längscht ibofällig! Er sollat et la fa Beginn un fohrn, sondon a ibon GONZN Toug und et dass fa 11a bis 14a(hmm) tote Hose isch...
Olla Brunegga redn gscheide ibo di phänomenale, olla vokehrsproblemelösende Ausfohrt aus do Südumfohrung obbo niemand kemmat af di Idee in Schibus in 15 Minutn-Takt fohrn zi lossn! tztztz!

[hagbard]

die idee va die busse noch 12a find i a guit

[jasonbugs]

hey leute

i bin a von jgr bruneck und gib in florri sicho recht!!

GREETZ

jason bugs da LPZ
aka
fabian da JGR

[EDIT, pp]JGR-Bruneck[/EDIT]

[elrohir]

find i a sinnvoll, biadis!

[hons]

a wenn i selbo eigntlich net bessa bin, weili im Grunde jo selbo nix tui und i desholb et kritisiern terfat, tuis heint obo dechto amo:

also i find, dass do Jugndgemeinderot sich sowieso so ziemlich ols votun hot, weila di gonze Glaubwürdigkeit volorn hot. A Jugndgemeinderot, der jo suscht net viel zi sogn hot und a schun vor di Wohln et ernst genumm wordn isch und nua se ano bestätigt, indem nix tut, hot nimma viel chancn des in der "Legislaturperiode" zi ändon.
I denk, dass do Jugndgemeinderot wirklich amo a Organ wert, der apisl epas für di Jugnd tien konn, missatman sich is Votraun fadi "Gruassn" in Bruneck amo erorbatn, indeman epas leischtit und epas erreicht.
Do erschte gruasse Fehla wor fa Vornherein jo schun amo di 2. Jugndbürgomeischtorin. A "Gitschile" mit 15 Johr zido "Votreterin" fado gonzn Jugnd in Bruneck zi mochn isch a Voorsche fa olla, de ihrn Stimmzettl ogebm hom (worn glabi obo et olzu viele). De Gitsche hot nie is Potential wie ondra kop hättn, de a inne kem sein. Worum mochtman die jingschte und unerfohrendschte fa olla zur Bürgomeisterin? Des war is gleiche wie wenn af uamo do Jud Londeshauptmonn war und do Durnwalda normalo Londtogsobgeordneto...
Meino Meinung noch isch di Anna Nora ausodem a Typ fa de Menschn, de a Omt ibonemm, weils schien kling und an morts Nume daher mocht, obo et bereit sein, odo vieleicht sich a net im klorn sein, dass a sella Omt a die Bereitschoft fordot epas zi tien und awin Freizeit zi opfon. Entteischt binni obo net la fa ihr, sondon a fa olla Jugndgemeinderäte, de sie zur Bürgmomeischterin gemocht hom um sich selbo fa den druckn zi kenn.

A wenn i net olm mitdo Julia und ihro Meinung üboeingstimmt hon, hot disse meindo Meinung noch die gonze Truppe viel bessa in Schuss gholtn und wor a bereit epas zi opfon.

Noch 2 Johr isch erscht di Homepage ausakem, de wennimi richtig erinno schun vor 2 Johr ungekündigt wordn isch. Und afs uanzige wosimi no erinnon konn, wos do Jugndgemeinderot geleischtet hot wor der 2x3 qm Eisplotz. Bitte klärt mi au, wenni wos vogessn hon.

Also iz seit et beleidigt mit mir, wenn i enk Jugndgemeinderäte des amo aso direkt sog, obo i denk i sprich do für viele jugndliche... Wennsra ibohaup no viele gib, de sich anin Jugndgemeinderot erinnonn kenn.

Also lange Rede kurzer Sinn: Tit wos und ändot meina Meinung, weil a sella Chance wie ins do Bürgomeisto mit den Jugngemeinderot gebm hot, sollat sinnvoll genützt wearn und et la dozui do sein, dass sich a poor Jugndlicha in Bruneck mit Nomen Gemeinderot schmückn kenn.

[alhonso]

[ruffy]

um is nochtlebn unzikurbl brauchts et unbedingt a noia kneipa, sondon öffntlicha vokehrsmittl de et la di frkationen unfohrn sondon wenigstns di orte an do hauptstroße unfohrn!!!
_________________
Ein Experte ist ein Mann, der hinterher genau sagen kann, warum seine Prognose nicht gestimmt hat.

[sonny]

jo sel find i a!! seane Busse warn perfekt!!
Wenne holt fa brk war... *träum*
_________________
Manchmal geschehen Dinge, die deine Meinung über eine Person verändern, die das Wunschbild, das man sich gemacht hat, zerstören und einen zwingen, in einer solchen Person jenes fehlbare menschliche Wesen zu erkennen, das sie nun einmal ist!! Zitat Manson

[florrii]

Also,.... als erstis wellat i vorausschickn dass Kritik ongibrocht isch solongs sich um KONSTRUKTIVA KRITIK hondlt!

Nix gegn di Hons,...obbo du durchblicksch di struktur in JGR ehrlich gsog net,...und du mochsch wie viele ondra in fehla zi glabm, dass do JGR la aus a Jugndbuergomeistorin bestett,...es sein 15 Leit drin, wosn olla gleich viel zi sogn hobm und di entscheidungen a Gemeinsom treffn. dass di Julia a Zugpferd wor losst sich net bestreittn, obbo wenn i ehrlich bin nua wissat i niemand wos des Omt bessa gemocht het wies di Anna Nora getun hot,...dei sochn wos sie gemisst hot entscheidn und die Pflichtn wosze ghob hot hotse dorichtn (und do wor nier nichts auszisetzn)!

Dass mir so wienig dorichtn hobm losst sich af viele gruende zrugfiern:
Und wie du sogsch dass die GEMEINDE ins soffl Moeglichkeitn gib stimp uebbohaup net, mir san grot dobei zi streitn dass mir amo endlich awin mehr "Mocht" krign damit man amo irgndeppas tien konn und et olbm la sea Kindofestlan (kehrt a dozui) betreun missn. Mir wern wie eigntlich in ollgemeinen die Jugendlcihn et ernst genum fa die Erwochsenen (Gemeinderaete) und entschuldigung....se denk i isch nua net insra schulde.

A ondro grund isch mit sichoheit is feedback fa Seitn fa die Jugendlichen in ollgemeinen. Klor kannt man sich itz di schulde hin und her schiebm, obbo se hot uebbohaup kuan sinn,....weil entwedo man hilft awin zomm, oddo man lossts glei,....i sogat man dorichtat schun amo mehra wenn die Gemeinde sechat dass di Brunecka Jugendlichn hinton JGR stien,...wos jo zur zeit net do foll isch.

Es isch mit sichoheit a kuan wundo dass is DEinteresse so gruass sich,...vielleicht wenn i net dobei war redat i a la! Die Jugendlichn san vielleicht a awin wienig informiert wies pa ins zuiget!

I konn vosprechn- i muan i stuck in Innsbruck itz und bin lama sporadisch pa di sitzungen dobei- dass di gonze struktur umgebaut wert,...weil mit a sea Diskrepanz von seitn fa do Gemeinde konns uanfoch net weitagien,..und sischt war di leste Loesung dass man in JGR fa do Gemeinde losloest und an unobhaengign Vorein gruendit wos sozusogn wie a OPPOSITION orbatit,..und nua wenn amo wos net passt nua steckt mans uanfoch glei in di Dolomitn,....und nua sanse fost gezwung eppas zi aendorn. Weil mit dauernder Negativ- kampagne konn kuan Politika oddo Gemeinderot "uebbolebm"!

Obbo i hon wirklich zin obschluss nomo sogn giwellt,...die Anna Nora isch mit Sichoheit NET fehl am plotz weil sie la do "vorstond" fan a gruppe fa leit isch wos OLLS,..obbo wirklich OLLS gemeinsom entscheidit und beschliesst.

I hon mi gonz sicho net ungigriffn oddo beleidigt gfuehlt (@ hons), weil wenn i mi wegn olls auregat wosman aso hert nua kannt man wo glei in die Psychatrie gien (gell chrischa ). Na scherz beiseite,...es sich uanfoch aso dass sochn folsch gilafn sein,...obbo wenn man eppas aendon will,...nua brauchts net la 15 leit wosn pa di sitzungen san, sondon is Gfuehl dass man di Jugnd fa bruneck hinto sich hot! Ou,.....mir san la is Mittl zum Zweck,....mir kenn a poor Vorschlaege hobm,...wos holt 15 leit fi ideen hobm kenn,...obbo DES misst ins schun selbo sogn wos es wellt und wos enk gfollat,...nua konn man schaugn inwieweit dassz zi realisiern get.

je mehr sochn Fa ENK kem,..desto mehr konn man durchbreng,...desto mehr steig is interesse fi ins,..desto geila wert bruneck und umso mehr steig a di Motivation fa die JGR leit,...neua projekte zi realisiern!

Dass mir zur zeit net megaprojekte mochn kenn,..lig a doron dass mir fa do gemeinde net unbeding di masse geld krign,..und mir selbo kuan kommerziello verein sein,..und desholb a kuan geld innem terfn,...obbo wie gsog an do struktur und an die regl wert giorbatit!


Und no zin lestn Kommentar bezueglich dass a poor geilara Lokale noch bruneck kemm sollatn und net la in reischa: MUANSCH DU DES ERNST WOS DU DO GSCHRIEBM HOSCH?!?!?! wenn jo nua,...ohne di beleidign zi welln, ehrlich,...hosch du kuan Tau fa die Wirtschoftsstrukturn,...und wies sebm olaft! Denksch du ernsthoft do JGR,...oddo die Gemeinde kenn sogn wo jemand sein Lokal autien soll? Sottmo pa EBAY ungebm dass in Bruneck jemand gsuicht wert,..wos a coolis Nochtlokal autut? Wie gsog des soll et beas gimuant sein,...obbo af olls hom mir a net einfluss,...weil sischt kimp als negstis dassnse olla eppas gegn in JGR hobm weil in winto zi wienig schnea afn Kronplotz isch ....

Danke obbo an olla wosn eppas gschriebm hom,...weil Feedback isch feedback,..und naturlich a Grund bessa zi wern und eppas zi aendorn!

MfG

Gre(t)z Florri