US-Wahl

puuddy · Beiträge: 211

AMERIKA HAT GEWÄHLT: DER NEUE PRÄSIDENT HEIßT:

BARACK OBAMA!!!!!!!
Mit einer deutlichen Mehrheit, noch vor den letzten Auszählungen gewann Barack Hussein Obama das Rennen um das Weiße Haus. Die First Lady heißt Michelle Obama. Mit einem nciht spektakulären Sieg und einen gemäßigten Jubel bedankte er sich an seinen Fans. Der "Change" ( der Wechsel ) ist eingetreten. Obama der 1te afroamerikanische Präsident!!

Hoffmos mochtas bessa wie do Bush...
_________________

Gast · Verfasst am: 05.11.2008, 08:11 Titel:

@ruffy
Do MCain het die Politik und Wirtschoft fan G W Bush ibonum, weil meindo Meinung hot do Bush groaßis fir die USA in Militärischen Bereich gileisten, erinnere Irak Krieg odo die Reaktion fa die Terroronschläge fan 11. Septembo, die stationierten Soldoten im Irak und Afghanistan wos do drübm sein um endlich amol zi schaugn dassz do ente auhert. Do Obama willl jo die Soldoten do drübm obziagn lossn.. wie konn sel lei endn?
MCain tretit gleich wie domols do Bush fir mehr Diplomatie in und will dofir Sorgn dass mehr Sichoheit gewährleistit wert in die USA:
Die Gesundheitspolitik isch meindo Meinung schun fan Obama viel glaubwürdiga, vorollm weila dofir sorgn wert dass vorollm Kindo a Kronkenvosichorung erholten bzw mitvosichort werdn fa die Elton. Obo die Politik in den Bereich fan MCain isch a ähnlich.
Wos sicho folsch war in Spitzenuntonehmer wianiga Steuern ozinem wie do MCain jo in Bush folgt.. obo in Irak krieg konsch decht kane Soldoten oziagn lossn..

ruffy · Beiträge: 1253

@michi
friedn und demokratie mit woffn und krieg ish on sich schun a paradoxon..
sust konne do basileia la zuistimm

Gast · Verfasst am: 05.11.2008, 11:32 Titel:

Jo ba bestimmte Sochen gibi enk schun Recht, wie bsp. bado Finanzkrise. Obo i glab Militärisch war a jedo US Präsident gleich vorgong wie do G W Bush, er hot is Lond voteidigen gimist vor weitere Onschläge und i glab er wor vopflichtit in Kompf gegn in Terror zi führen. Mir wissn jo olle wos domols in 11. Septembo passiert isch, i glab kaum dassman selche Ereignisse in Luft au gian lossn konn und tian als war nicht passiert. Do Obama war gleich vorgong und mir konn niamant sogn dass die Bevölkerung et a sich wünscht in Sichoheit zi lebm. Wos war wenn net, sel konman net sogn.. er wert sicho ziviel Geld in den Bereich voschwenden hom und af ondre Probleme net zruckgong sein, obo die 8 Johr Mocht odo viell bessa Weltmocht wo do G W Bush Präsident wor, worn hot fa Terror und Kriag giprägt. Wies donn weita geat wenn die Soldoten weckziachn.. sel bini donn amol gsponnt..
und het do Bush seine Orbat soo letz gimocht, sem heta net die Mehrheit 2004 im Weissen haus kriag.
Obo die Wohl isch entschieden und mir wern sechen wie do Barock Obama is mächtgste Lond af Erden regieren wert.
Mi hots la fan unfong un giwudort dass sich die Hillary Cliton net durchdosetzt hot!

ruffy · Beiträge: 1253

ish la awin komisch, dass 2 ländo "erobot" werdn, weil a poor grupierungen amerika "ungreifn".
dass di usa z.b. a medikamente einfuhr vobot im irak seit longem schun durchziecht, werd natürlich do hoss gschürt...ish obo la ando fa viele gründe.

in epas gibedo obo recht. jedo us präsident het do krieg gführt. do bush hot obo awin ibotriebn. man bedenke alan di gonzn luftongriffe af bagdad, de mehr zivilistn giteatn und voletzt hot wie sust epas.
(es gib jo do a redewendung, jedn us-präsi sein krieg...)

obs mitn obama obo bessa werd, ish froglich. wer in wohlkompf a bissl vofolg hot, do sel woas, dass er eig. la mit groaßa paroln um sich gschmissn hot, uhne wirklich af di probleme in zi gien und a uhne wirkliche lösungsonsätze.

obo er wor is klienare übl fa di 2.

und i muss gonz ehrlich sogn, lieba wie di clinton hete sogor in mccain an do spitze gsechn.

no 2 videos. is erste ish do kult, is 2. ish di wohlwerbng.
http://www.youtube.com/watch?v=L38wthA4Ld0
http://www.youtube.com/watch?v=Qq8Uc5BFogE
_________________
Ein Experte ist ein Mann, der hinterher genau sagen kann, warum seine Prognose nicht gestimmt hat.