Anorexia...

[belshirash]

@nos lei nit unhebm kecksn, fir sell seimer nit do...

und vo "hort" wor nia die rede! und des mitn "dasnichts" hosch nit vrstondn! i check schun, dass des af viele zuatrifft, obr sella sochn sein uanfoch nit neatig zi schreibm!

tjo, i siech fost jedn tog berichte ibr mogersucht, obr i vrsteahs decht nit... guat, i vrsteah a die leit nit, de sich selber vrletzn, wia konnschn sell tian? wia konnman sich selber sou eppas letzis tian um sich drnoch "besser" zi fühln?? und wisou hots des friahr nit gebm bzw. es broatet sich iatz olleweil mehr aus?

vo mir aus gsechn sein teilweise schun die medien schuld (nit iatz denkn i widersprich mr, lei weiterlesn), obr in der hinsicht, dass gizoag weart, dassts de kronkheitn (psychisch odr körperlich isch jo noar wurst) ibrhaup gib und durch sell schaugn sich sella kinder des o. do geahts noar wianiger ums schlonk sein, sondern mehr ums auffolln! isch uanfoch in dr pubertät (bsunders 11-14 jährige) odr in die unfänge dr pubertät sou, dass man auffolln will...

i fir mein toal hon de phase ibrsprungen, vielleicht vrsteahis deswegn a nit! bo

bsunders ba bulimie (isch jo a an ort mogersucht, woass nit ob mans medizinisch gsechn a in de sparte eintoalt) vrsteahi in letschtn schritt nit, spetestens wenne dr in finger oihebsch miassasch woll checkn, dassts iatz besser war auzihearn, odr? vrsteahi total nit!

[pez]

@belshirash
wenn du sogsch di medien hom a mitschuld hosch wohrscheinlich sogor recht. es isch holt so, dass di medien lediglich des (re)produziern wos di menschn hern well. egal wenn di inholte unreflektiert san, hauptsoche viele schaugn zui. is problem lig an do einstellung fo do gesellschoft, und du hosch a poor postings dovor is beste beispiel gilifot..
""P.S. die typa von video (de, de in spiagl isch logischerweise) isch holbwegs a guate! woass nit, an wen mi de erinnert... hmm... egal, af jedn foll: guate""
ginau wg dem denkn steig di onzohl an psychischa erkronkungen wie zb a anorexia.. di reduktion afs ausschaugn, scheiss drau wie di person wirklich isch, sie isch jo fesch und cool ungizogn ...

[Gast]

[Gast]

[Gast]

[stefan]

ah wenni itz sicho glei als materialist ogstemplt wer...

hopas enk jemols gedonkn ibo meglicha zusommenhänge zwischn sozial-ökonomischa grundlogn und vorherrschenden schönheitsbild fa ando gsellschoft gedonkn gemocht?

lei mol so als onreiz:
[spekulation: ein]
zi der zeit, in ders fi wohlhobende leit vopönt wor, ando körpolichn orbat nochzigien und wos no kan kapitalismus gebn hot, der fi a üboproduktion an lebnsmittln sorgt, wor is schönheitsideal hellhäutig und wohlgenährt [vgl.: die rubens-frauen]. hellhäutig [derort, dasse di blaun odon unto da haut sigsch] deswegn, weil körpolicha orbat in da sem zeit no mit orbat in da londwirtschoft [im frein] gleichgsetzt wor und wohlgenährt, weils wie schun xog, oft net genui zessn gebn hot...

heintzitoge ischs in "entwicklta" westlicha industrieländo so, dass gonz viel orbat in räumen passiert [büro, fabrik, etc.] und dassz viel billigs, fettholtigis essn gib. schönheit zeichnet sich heintzitoge demzufolge dodurch aus, dass ans sich leischtn konn, oft af urlaub [in die sunne] zi fohrn und sich "gsund" zi ernährn, also in schönheitsideal dünn und braungebronnt zi entsprechn...
[spekulation: aus]
_________________


no!blog

[Gast]

[belshirash]

@dasnichts:

es isch sou, logisch wars wichtig des in die leit irgnwia mitziteiln, obr sell do zi tian findi nit sinnvoll. man isch jo do um seine meinung zi äussern, infos zi brengen etc. nit sella sochn zi postn, odr? odr glabsch du ehrlich du konnsch durch an post in forum is lebm vo jemand grundlegend vrändern?

und des mitn toatschweign stimmp gonz uanfoch nit! tuat mr load, isch folsch! schwule, behinderte odr ähnliche rondgruppm sein vrschwiegn bzw. drhuame eingsperrt wortn! obr mogersichtige?? hots jo kam gebm, hett jo a kuan sinn! isch jo a mehr odr wianiger psychische erkronkung/obhängigkeit de durch irgneppas ausgileast weart und friahr hots nit sou viele schlonke weiber gebm... siehe stefans beitrog
und do mit eingeborenenstämme daherzikemmen findi nit wirklich sinnvoll, sellm konnsche olls begründn: kannibalismus, selbstverstümmelung, vergewaltigung, inzucht etc. etc.

ajo und @stefan:

des isch a guate ibrlegung, sou eppas in der ort honi mr a schun ibrleg, hons lei nit gschofft es in worte zi fossn, weil is gidonknkonstrukt ziemlich vrwirrt wor

@pez:

des mitn "des isch a guate" wor nit sou gimuant, i bin souwisou eher fir natürliches ausschaugn... obwohli sogn muass, dass mr gonz dicke weiber nit gfolln! lieg obr wianiger an dr beeinflussung durch die medien als mein persönlichn gschmock! schätzi jednfolls... de tägliche gehirnwäsche isch jo fost niamr erträglich...!!

[Gast]

[dannuh]

jup stimp schun do mensch will olm des wos er net hot , he sigman pa jedn oanzelnen obo ah pa di massn noar mit do zeit
wenne awian feschta gebaut bisch und noch afrika fohrsch in di ormen làndo, wersche unte als di schianste ungsegn weil si unte nix zessn hobn/wianig, und somit eha "dicke"sein fi si a zeichn fa schianheit isch,... und umgekehrt ischs genauso, a schlonka frau wert pa ins schnella als schian bezeichnt awia a eha festara... domit willi net sogn dasz aso isch das di dinnan schiane sein.. gonz und gor net...
wosman net hot, will man hobn.. isch pa fellig ols aso
_________________
Ich habe genug sex...das leben fickt mich jeden tag=)