Copyrightverletzung

[lacrimae]

naja jedem das seine ober in so an foll sog i oanfoch amoll pech und es nächschte mol besser aufpassen wenn und wo eppes veröffentlicht wert.
besser man steckt seine energie in a nuie grafik de man donn verkaft anstott zu schaugen dass man durch unklore gesetze es maximale an geld außerholen konn... zumindest i mog so a verholten net weil im endeffekt isch man donn um nix besser wia die böse böse musik- und filmindustrie de die ormen benutzer in tauschbörsen obmahnt. i tat mi erschtamoll geehrt fühlen dass sich min. jemand für meine grafik interessiert und i wett man konn dovun ausgian dass die "schuldigen" a ondere grafik gewählt hätten, hätten se gewisst dass se dofür zohlen miaßen.

wer ohne schuld ist der soll den ersten stein werfen, hoaßts. natürlich will i do nicht unterstellen; konn sein dass du wos ©-sochen ungeat olm gonz brav worsch, jede cd original kafsch, koane brennsch und filme logisch erscht sigsch sobold se im kino unlafen, und wenn freinde an nuien film schaugen du oanfoch weckschaugsch weils jo a copyright-verstoß isch... solltesch du ober des durchziachen, de typen verklogen und in zukunft irgendwenn noamoll a gebrennte cd losen oder an kopierten film schaugen oder ähnliches, donn wünsch i do dass a du a saftige obmahnung und wahnwitzige vergleichszohlung kriagsch von irgendoan der moant es nötig zu hoben.

versteah mi net folsch i gunns do, und im endeffekt ischs a a riesen bestätigung für die dass deine grafik genummen wert ober glei lei mehr onwolt und €-zeichen zu segen und gonze gesetze auswendig lernen um no mehr €-zeichen außerzuholen isch von mir aus holt do folsche weg...

du kannsch zumindescht versuachen sie erschtamoll so unzuschreiben und höflich an fairen preis dofür verlongen... wenn se net drauf ein gian und du olm no bock hosch irgendwelchen onwälten a freide zu mochen (weil verdianen tian sie mehr drun als du ^^) donn konnsch jo in ondern weg weiter gian.

i hoff du nimmsch mein einwond net ollzu beas er isch net gegen die persönlich gemoant, und deine grafiken sein a net schlecht respekt, ober versuachs aff die olte ort zu lösen anstott selber mit dem copyright- und paragrafenreiterwahn unzuheben.
_________________
-.-

[fabolus]

lei die soche isch de....wenn i a gebrennte cd horch ischs privatgebrauch, des in dem fall isch ober kommerzieller gebrauch,! sell isch (a vom gesetz her) a riesn unterschied!
_________________
*loosydesign.com

[lacrimae]

sell stimmp ollerdings a wieder
ober wia gsog i tats erscht mit an normalen briaf versuachen in dem du deine onliegen schildersch und an deiner meinung noch ungebrochten preis dofür verlongsch... i woas iatz net wia des mit grafiken geat, in do musik jedenfolls konnsch die entscheiden ob es exklusive nutzungsrecht oder a oanfoches nutzungsrecht verkafsch. erschteres hoaßt die grafik darf in zukunft ausschließlich de disco benutzen und du konnsch se (für a gewisse zeit) an koan onderen mehr verkafen...
es oanfoche nutzungsrecht erlab do disco lei de grafik zu benutzen, sie homm ober koan onspruch drauf de grafik als oanzige zu benutzen, hoaßt du konnsch se no öfter an irgendwelche ondere leit verkafen.
i kenn mi iatz wia gsog mit do rechtsloge net genau aus ober i denk zumindest de grundloge isch guat zu wissen weil mit dem kenn se die am ende no bescheissen... also wenn in preis feschtlegsch donn denk drun ob sie es exklusive nutzungsrecht drauf hoben wellen oder net. aff jedenfoll darfsch es exklusive nutzungsrecht zig-foch teirer mochen als a oanfoches
wenn ihnen ohne onwolt a lei so an briaf schreibsch aff den sie eingian und im endeffekt a dofür zohlen donn hosch zudem no in vorteil dass nix so gonz offiziell isch, sell hoaßt im zweifelsfoll und sollte es decht no zu an streit kemmen hosch vor gericht olm no es volle copyright an deiner grafik und olle korten in do hond.
sollten se net aff an privaten briaf eingian und sich stur zoagen konn man olm no an onwolt mit geld füttern , i wehr mi lei dogegen dass mo do in europa a longsom amerikanische verhältnisse einführen wo in jeder firma die onwälte die hälfte vom umsotz mochen *g*.
_________________
-.-

[fabolus]

jo sell isch klor! ober i tua ihnen lei di orbeit rechnen, weil fi so a ding konni koan fixpreis verlongen, des isch reine vectorgrafik wenndo sell wos sog...d.h. i wor extremst longe dobei!

do onwolt wert wirklich erst in dem moment ingscholtet wenn sie af meine forderungen net reagieren...i find net das des net ongebrocht isch...i hon fi meine ausbildung an fetten potze geld gspuckt und sieg net in das mir nochant meine sochen zin nulltarie fa irgentjemand kommerziell geklaut werdn...
_________________
*loosydesign.com

[barista]

Find des jo witzig, wie die Lait ollm moan ihre "Wohrheit" entspricht a do gerichtlichen "Wohrheit" bzw. "ba an Prozess krieg i ollm recht weil i jo effektiv recht hon".

Erstes Problem:
Des wos du beantrogsch, mussch a nochweisn sischt gibs koane €.
In dem Foll relativ schwierig, weil
-du in fetzbsoffenen Zuistond worsch,
-du nochweisen mussch, dass sie genau deina Grafik effektiv ba der Fete vuwendit hom z.B. Foto mit sicherem Datum (sicher=in dem Foll wos vor Gericht Bestond hot und sell isch extrem schwierig). Zeugenbeweis isch sowieso ollm a unsichora Soche und ba so a komplizierto, detailreicho Grafik zu vugessn,
- dass sie de ohne Rechtstitel vuwndn (hon mo iatz et die Bestimmugen va der Seite wo sie's her hom durchgilesn)
- du nochweisen mussch, wellan Schoden du effektiv erlitten hosch und la für sel gibs €

Zwoates Problem:
Copyrightprozesse sein sowieso kompliziert. Die Situation isch nia schworz odo weiss sondon es gib a Zwischenstufen. Die Prozessspesen werden meistrns zwischen die Pateien getoalt und sell hoasst dass du 80% va die Fälle für dein Onwolt trotzdem blechen mussch.

Naja...Geh zu an Rechtsonwolt. loss die berotn, zohl für sell und wersch segn, dass nix aussakimmp. Also la -€ für die

[fabolus]

des mitn nochweisn isch koa problem, honmo des besagt plakat natürlich mitgnummen!

mei effektievo schodn isch der zeitaufwond wos net so wenig isch...+ apropos zeugn-sie miasn lei beweisn das i is plakat do untn mitgnummen bzw gsegn honn, net dasz meine grafik isch, dasze fa mir isch beweist die originaldatei de wos lei in meim besitz isch,..datum usw stehn afn plakat,...noch die gesetze isches ober a verboten personen ohne Ihre erlaubniss obzubildn und bilder ohne erlaubniss fan urheber zu modifiziern wenn sie no erkennbar sein .

also schaugn wos sie af mein brief hin ontwortn wern...und wegn onwoltskostn, wenn des ohne onwolt net gian sollat mussman sowieso obwiegn ob sichs auszohlt, ober ba an honorat um die 1000 euro in dem fall, zohlats sich eh no aus!
_________________
*loosydesign.com

[freesoul]

isch zwor a geila grafik, obo du wersch et wirklich moanen, dass du ibo 1000 euros für de kriegsch??? i bin do skeptisch...
Wennes wirklich durchziechn willsch, no schaugat i des so unofiziell un mit so wienig kostnaufwond wie meglich durchzuziehn...
_________________
why smoke and fly if you can drive and fly?!?!

[fabolus]

woasch des mitn geld isch immer so a soche...zb normale fotos sein a schun hunderte euros wert!

und wenns do um die kosten geat: in do richtpreislischte fa die grafika isch die orbeitsstunde illustartion mit 55-75 euro ohne iva ungführt, und 20 stunden sitztman gleiamol ba so wos....
_________________
*loosydesign.com

[fabolus]

z.b.

http://www.frag-einen-anwalt.de/Abmahnung-wg.-Copyright-Verletzung-bei-eBay__f8669.html

in dem fall hondelts ich um a kluanes produktfoto!

mfg
_________________
*loosydesign.com

[freesoul]

naja...
i vergunnat dos volle wenne sell kriegsch, odo a wenne "la" a poor tausenda kriegsch... (weil mir gfolltse volle), obbo wie gsog... i bin do skeptisch...
_________________
why smoke and fly if you can drive and fly?!?!