Donadoni Nachfolger von Lippi

[painkiller]

Do Donadoni isch do Nochfolga fan Lippi?!
I glab mir gian mit dem eha unto als wie in EM Titel 2008 zi giwing... I kenn ihn als Spiela net guit obo als Trainer ba Livorno hota amol ka guits bild hintolossn... I find die Entscheidung firan Jung Trainer, weila jo glabe erst so ba die 40 isch, wirklich guit obo in Donadoni...
Es gib viele ondre Trainer wos a würdiga Nochfolge warn firn Lippi, my Favorit war do Gentile giwessn!
Schode obo dassz do lippi gilost hot...EM

Wos sog des dozui?

[acidhorse]

Es isch wirklich schode um in lippi obo i denk mitn donadoni homse di richtige wohl gitroffn. Er hot als traina ( a wennas no et longe isch) sich nio nicht zi schuldn kemm gilott. Is leschte johr pa livorno hottas noch 5 odo 6 siege infolge, Livorno wor sem 6to, gilott weila mitn präsident nimma zi fohr kem isch. I bin gspont wise in 16. pan freindschoftsspiel aulafn wern....
Also meino meinung noch, a guita wohl!!!!

[janpillemannotze]

I find a dass des a guita Wohl isch, weil do Donadoni ot schon pa Livorno gizag wos er fra guata traina isch. Pol er sem ziruckgitretn isch wornse nou 6to und ob sem homse noar volle schlecht gspielt und sein lama 10to giwornd. Ihm fahlt sicholich die Erfohrung als Traina, obo man ot jo a pan Klinsmann gsegn, dass se et viel zi sogn ot. Und in Sochn Erfohrung ot er sicholich in seindo Karriere als Spiela ginui gsommlt, weil er wor ando fa di wichtigschtn Spiela in do Zeit fan Sacchi pa Milan und a in do Nationale.

Also fa mir aus wors a guita Wohl, obo i glab dechto et dass Italien itz anou Europameisto wert...

[felix]

Donadoni passt fa mir aus perfekt...hot an guitn Job gimocht ba Livorno u noch an Weltmeistotitl brauchts oanfoch an Traina wos frischn Wind ina bring, wenn wido a Routine-Traina kemat wie a Zaccheroni(wos fa mir aus gsegn is Trainasein lossn sollat) hettn di Azzurri sicho a Tief noa bado WM...obo aso kimp oando wos nix zi beweisn hot weila a no nix gschofft hot, niamand erwortit fa ihm epas, Donadoni passt...
_________________
Das Tier frisst, der Mensch isst, doch nur der Mann mit Geist, speist!

[philipp91]

also i kenn in donadoni ibohaup et und was et wia gspielt hot odo wia trainiert hot, deswegn hoffis fir ihn dassas mit do italienischn Nationalmonnschoft so weit als meglich bring....!!

fi mi di 2 bestn traina san do: Guus Hiddink und du Luis Felipe Scolari!

de 2 hettn sicho a amo a ondra spielweise in di Nationale gibrocht und warn sicho weit kem...
obo i konn jo in sochn NATIONALTRAINA nix tian bzw entscheidn!

[painkiller]